សេវាកម្មដឹកជញ្ជូនអាហាររហ័សឥឡូវនេះ បានក្លាយជាការពេញនិយមស្ទើរតែគ្រប់ប្រទេស ដោយសារតែភាពងាយស្រួល និងរហ័ស។ ជំនួសឱ្យការទៅភោជនីយដ្ឋានដើម្បីញ៉ាំ មនុស្សជាច្រើនចូលចិត្តកុម្ម៉ង់ម្ហូបយកទៅផ្ទះ ហើយរីករាយនឹងអាហារដ៏ឆ្ងាញ់ពិសារនៅក្នុងកន្លែងផ្ទាល់ខ្លួនរបស់ពួកគេ ឬអ្នកផ្សេងទៀតបញ្ជាទិញអាហារតាមអ៊ីនធឺណិតដោយគ្រាន់តែពួកគេចង់សន្សំពេលវេលា។ នោះហើយជាមូលហេតុដែលសេវាកម្មដឹកជញ្ជូនអាហាររហ័សនៅតែបន្តកើនឡើងដូចខ្លែង។ ទោះជាយ៉ាងណាក៏ដោយ ការបញ្ជាទិញអាហារតាមអ៊ីនធឺណិត មិនតែងតែនាំមកនូវការពេញចិត្តរបស់អតិថិជននោះទេ។
យោងតាមសារព័ត៌មាន Straits Times, ថ្មីៗនេះ អតិថិជនមួយចំនួននៅក្នុងប្រទេសសិង្ហបុរីបានត្អូញត្អែរអំពីអាហារ និងភេសជ្ជៈត្រូវបានកំពប់កំពប់ក្នុងអំឡុងពេលដឹកជញ្ជូន។ ប៉ុន្តែនោះហើយជាមូលហេតុដែលអ្នកដឹកជញ្ជូនមានវិធីទប់ស្កាត់?។
ជាក់ស្តែង នារីម្នាក់ឈ្មោះ Stomper Wendy បានចែករំលែកវីដេអូដែលថតចេញពីកាមេរ៉ាសុវត្ថិភាពនៅមុខផ្ទះរបស់នាង ដែលបង្ហាញឲ្យឃើញពីអាកប្បកិរិយាដ៏មិនល្អរបស់អ្នកបើកបរដឹកជញ្ជូនម្នាក់។ ហេតុការណ៍នេះបានកើតឡើងនៅតាមបណ្តោយផ្លូវនៃអគារក្បែរអគារ Wendy ផ្លូវ Somme វេលាម៉ោង១១និង៤៥នាទីព្រឹកថ្ងៃទី១ វិច្ឆិកា កន្លងទៅថ្មីៗនេះ។
Wendy បាននិយាយថា៖ «ខ្ញុំបានឃើញស៊ុបកំពប់នៅតាមផ្លូវ ហើយក៏បានសម្រេចចិត្តឆែកមើលកាមេរ៉ា»។
នៅក្នុងវីដេអូដែលចែករំលែកដោយ Wendy អ្នកបើកបរត្រូវបានគេឃើញបើកប្រអប់មួយដែលមានអ្វីដែលមើលទៅដូចជាស៊ុប។ បន្ទាប់មក គាត់បានយកថង់ប្លាស្ទិកដែលផ្ទុកស៊ុបដែលកំពប់នោះ ហើយដាក់ចូលក្នុងប្រអប់វិញ»។
Wendy បាននិយាយថា «ពិតជាគ្មានអនាម័យ និងគួរឱ្យខ្ពើមរអើមទាំងស្រុង។ ភោជនីយដ្ឋានមិនបានវេចខ្ចប់វាឱ្យត្រឹមត្រូវទេ ដូច្នេះវាកំពប់ ឬត្រូវបានអ្នកដឹកជញ្ជូនទម្លាក់ចោល? ទោះជាយ៉ាងក៏ដោយ គាត់គួរតែពន្យល់អតិថិជន និងឱ្យអតិថិជនត្អូញត្អែរទៅកាន់ភោជនីយដ្ឋាន ឬក្រុមហ៊ុនដឹកជញ្ជូន»។
Wendy បានបន្ថែមថា អ្នកដឹកជញ្ជូនហាក់ដូចជាកំពុងកាន់កាបូបម៉ាក Deliveroo ប៉ុន្តែនាងដឹងថា មានអ្នកបើកបរជាច្រើនដែលធ្វើការសម្រាប់វេទិកាចែកចាយអាហារជាច្រើន ក្នុងពេលតែមួយ។
នារីរូបនេះបានចែករំលែកថា ករណីស្រដៀងគ្នានេះ គឺជាហេតុផលដែលនាងឈប់បញ្ជាទិញពីវេទិកាចែកចាយអាហារជាងមួយឆ្នាំមុន។
នាងបាននិយាយថា «អាជ្ញាធរចំណីអាហារសិង្ហបុរី (SFA) ពិតជាត្រូវណែនាំបទប្បញ្ញត្តិដែលប្រអប់អាហារត្រូវតែមានត្រា ឬស្ទីគ័រដើម្បីឱ្យមនុស្សដឹងថា តើគម្របត្រូវបានបើកឬអត់។ Covid-19 គួរតែធ្វើឱ្យយើងទាំងអស់គ្នាយល់ដឹងបន្ថែមទៀត អំពីតម្រូវការអនាម័យល្អ ប៉ុន្តែវាហាក់ដូចជាមានមនុស្សជាច្រើនមិនបានយកចិត្តទុកដាក់ចំពោះរឿងនេះសោះ»៕ រក្សាសិទ្ធិដោយ៖ លឹម ហុង
