គ្រាន់តែរឿងបិទទ្វារ ប្តីប្រពន្ធមួយគូ បានធ្វើឲ្យផ្អើលអស់បណ្តាញសង្គម នោះក៏ដោយសារការស្តាប់គ្នាមិនយល់ (ប្តីប្រាប់ឲ្យធ្វើស្តាំ រីឯប្រពន្ធបែរជាទៅឆ្វេង) ហើយវីដេអូនៃសកម្មភាពដ៏ហួសចិត្តរបស់ពួកគេ បានទទួលការចាប់អារម្មណ៍ពីមនុស្សរាប់លាននាក់ចូលមើល។
ជាក់ស្តែង តាមរយៈវីដេអូដែលត្រូវបានបង្ហោះដោយគណនី TikTok ឈ្មោះ nan37_pa0 កាលពីថ្ងៃទី១៣ ខែធ្នូ ឆ្នាំ២០២៣ បានបង្ហាញឲ្យឃើញថា ប្តីប្រពន្ធមួយគូនោះកំពុងនាំគ្នារៀបចំបិទទ្វារផ្ទះ។ តែការចាប់ផ្តើមបិទទ្វារ គឺគន្លឹះដែកនៅលើឥដ្ឋត្រូវលើកឡើងជាមុនសិន ដើម្បីអូសទ្វារចុះក្រោម ហើយបញ្ចូលវាទៅក្នុងចង្អូរ បន្ទាប់មកដាក់សោចាក់។
ទោះជាយ៉ាងណា វីដេអូបានធ្វើឲ្យភ្ញាក់ផ្អើល គឺខណៈពេលបុរសជាប្តីបានទាញទ្វារដែកចុះមកកៀក ហើយរៀបចំបិទទ្វារ ខណៈប្រពន្ធក៏បានគាស់លើកគន្លឹះដែកពីក្រោមរួចជាស្រេច រំពេចនោះ បុរសជាប្តីបាននិយាយថា «ជាន់ទៅ» ដោយសង្ឃឹមថាប្រពន្ធនឹងយកជើងជាន់លើទ្វារឱ្យបិទទាំងស្រុង ប៉ុន្តែអ្វីដែលប្តីទទួលបាននោះ គឺប្រពន្ធបែរជាយកជើងជាន់លើគន្លឹះដែកដែលទើបឡើងឲ្យធ្លាក់ចុះវិញ ដែលធ្វើឱ្យប្ដីហួសចិត្ត ឈឺក្បាលខ្លាំងតែម្តង។
វីដេអូនេះទទួលបានអ្នកចូលមើលជាង ៣ លានដង ហើយអ្នកនិយមលេងអ៊ីនធឺណិតបានលាន់មាត់ថា សូម្បីតែបិទទ្វារផ្ទះក៏ធុញដែរ ពិតជាយ៉ាងមែន!៕ រក្សាសិទ្ធិដោយ៖ លឹម ហុង
@nan37_pa0 ได้เมียมาช่วยงานเบาแรงไปอีกนิดนึง🤣 ถามตัวเองดิปวดหัวไหม🤣🤣🤣
♬ เสียงต้นฉบับ – AERIALWAY