មនុស្សយើងមានបុគ្គលិកលក្ខណៈ និងចំណង់ចំណូលចិត្តផ្សេងៗគ្នា ក្នុងការស្លៀកពាក់។ មនុស្សមួយចំនួនចូលចិត្តស្លៀកពាក់បែបមានភាពច្នៃប្រឌិត និងគួរឱ្យចាប់អារម្មណ៍ ប៉ុន្តែពេលខ្លះអាកប្បកិរិយារបស់មនុស្សខ្លះមានលក្ខណៈប្លែកខ្លាំងពេក ក៏អាចធ្វើឱ្យអ្នកដទៃពិបាកយល់!។
តួយ៉ាងដូចជាថ្មីៗនេះ បុរសម្នាក់នៅក្នុងប្រទេសចិន ពិតមានការភ្ញាក់ផ្អើលយ៉ាងខ្លាំង ខណៈពេលបើកបរតាមផ្លូវឃើញនារីវ័យក្មេងម្នាក់ដើរយឺតៗ បិទផ្លូវដែលគាត់កំពុងឆ្លងកាត់។ ទោះបីជាគាត់ចុចស៊ីប្លេយ៉ាងណាក៏ដោយ ប៉ុន្តែនារីរូបនោះបែរជាព្រងើយកន្តើយ បន្តដើរនៅកណ្តាលផ្លូវដោយមិនគិតផ្តល់ផ្លូវដល់រថយន្តនោះទេ។
បុរសនោះបានរៀបរាប់ឲ្យដឹងថា «ពេលឃើញបែបនេះហើយ ខ្ញុំពិតជាមានអារម្មណ៍ខឹងបន្តិច។ ខ្ញុំមិនយល់ថា ហេតុអ្វីបានជានារីម្នាក់នេះបិទផ្លូវ។ ដូច្នេះហើយ ក៏បានសង្កេតឃើញអាកប្បកិរិយាចម្លែករបស់នាង ហើយដឹងថានាងខុសពីគេ នាងពាក់អាវយឺត កាន់កាបូបដ៏គួរឱ្យស្រឡាញ់ ប៉ុន្តែ បែរជាមាន «កន្ទុយ» នៅលើគូទរបស់នាង ដែលស្រដៀងទៅនឹងកន្ទុយកញ្ជ្រោង តើវាអាចទៅរួចយ៉ាងដូចម្តេចទៅ? តើមានកន្ទុយចេញពីក្រោយស្ត្រីទេ?»។
ទីបំផុត បុរសរូបនោះក៏សម្រេចចិត្តបើករថយន្តទៅជិត ព្រោះចង់ឃើញមុខពិតរបស់នាង និងក៏ចង់សួរថាហេតុអ្វីបានជាដាក់កន្ទុយលើខ្លួនបែបនេះ?។ ប៉ុន្តែផ្ទុយទៅវិញ បានរកឃើញថា នាងបានយកសក់បិទមុខមើលមិនច្បាស់ទេ។ របៀបដែលនារីនោះស្លៀកពាក់ធ្វើឱ្យគាត់ភ្ញាក់ផ្អើល ព្រោះគាត់មិនបានគិតថា មនុស្សនឹងអភិវឌ្ឍការតុបតែងម៉ូដដល់កម្រិតនេះទេ។ ទោះជាយ៉ាងណា សំណាងល្អ វាបានកើតឡើងនៅពេលថ្ងៃ បើនៅពេលយប់វិញ គាត់ប្រាកដជារឹតតែតក់ស្លុតខ្លាំងហើយ។
ក្នុងករណីនេះ ពេលគាត់បង្ហោះនៅលើអ៊ីនធឺណិត មនុស្សជាច្រើនក៏បានណែនាំថា «អ្នកមិនគួរចង់ឆ្ងល់ទេ ព្រោះពេលខ្លះការចង់ដឹងរបស់អ្នកនឹងធ្វើឲ្យអ្នកខកចិត្តជាខ្លាំង។ បើមនុស្សស្រីសម្លឹងមើលខុសពីអ្នកស្រមៃ អ្វីដែលត្រូវគិតនៅពេលនោះគឺ៖ សុវត្ថិភាពក្នុងការបើកបរ!។
តែទន្ទឹមនឹងនោះ អ្នកផ្សេងទៀតបាននិយាយថា មិនមានអ្វីខុសទេក្នុងការតុបតែងបែបនេះ។ មនុស្សគ្រប់រូបមានសេរីភាពក្នុងការស្លៀកពាក់។ ប៉ុន្តែមនុស្សមួយចំនួនចូលចិត្តមានបញ្ហាជាមួយនឹងសម្លៀកបំពាក់របស់អ្នកដទៃ។ ទោះបីជានេះអាចជាសិល្បៈសម្តែងក៏ដោយ យើងគ្រាន់តែត្រូវការការយល់ដឹង ទទួលយកភាពខុសគ្នា កុំសង្ស័យ!។
ទោះជាយ៉ាងណា ក៏មានការយល់ឃើញផ្ទុយថា ពិតមែនហើយ ដែលមនុស្សគ្រប់រូបមានសេរីភាពក្នុងការស្លៀកពាក់ អាចយល់បាន ប៉ុន្តែអ្នកគួរយកចិត្តទុកដាក់ពេលអ្នកនៅផ្លូវសាធារណៈ វាអាចបង្កការរំខានដល់អ្នកដទៃ៕ រក្សាសិទ្ធិដោយ៖ លឹម ហុង
