ថ្មីៗនេះ (ថ្ងៃទី២០ ខែធ្នូ ឆ្នាំ ២០២៣) ហ្វេសប៊ុកមួយឈ្មោះថា Piim Npk បានចែករំលែកបទពិសោធន៍ក្នុងការបញ្ជាទិញសម្លសាច់មាន់ «តុងយ៉ាំ» ពីភោជនីយដ្ឋានមួយ។ ប៉ុន្តែ នៅពេលដាក់ម្ហូបចូលក្នុងចានភ្លាម ស្រាប់តែឃើញមានអ្វីមិនប្រក្រតីនៅក្នុងសាច់មាន់។ នោះគឺមានរង្វង់ពណ៌ខៀវតូចមួយដ៏ចម្លែកនៅលើសាច់ ហើយបានបង្ហោះសារថា «កម្ម៉ង់មាន់តុងយ៉ាំ តែមិននឹកស្មានដល់ថា មាន់តុងយ៉ាំជំនាន់នេះជាប់ល្អ តើធ្វើម៉េចឲ្យទឹកថ្នាំនៅដដែល?»។
ទោះជាយ៉ាងណា ក៏មានការសន្និដ្ឋានថា សាច់ដែលបានឃើញនេះប្រហែលមិនមែនសាច់មាន់ទេ។ ប៉ុន្តែវាអាចជាមឹកពណ៌ខៀវ ដែលត្រូវបានគេព្រមានយ៉ាងទូលំទូលាយថា វាគឺជាមឹកមួយក្នុងចំណោមមឹកដែលពុលបំផុតក្នុងពិភពលោក។ អ្នកដែលលេបវាអាចស្លាប់ក្នុងរយៈពេលប៉ុន្មានម៉ោង។ វាមានលក្ខណៈដូចចិញ្ចៀនពណ៌ខៀវ ដែលលេចចេញពាសពេញដងខ្លួន និងដៃ ដែលមានជាតិពុលធ្ងន់ធ្ងរច្រើនលាយក្នុងទឹកមាត់។
យ៉ាងណាមិញ ក្រោយពីបានឃើញបែបនេះ អ្នកនិយមលេងអ៊ីនធឺណែតមួយចំនួន បានបង្ហោះក្នុងលក្ខណៈលេងសើចថា «ទឹកថ្នាំដែលអ្នកឃើញអាចមកពីស្នាមសាក់»។ ខណៈអ្នកលេងឆ្នោតខ្លះនិយាយថា លេខ 0 សំណាងប្រាកដជាមកដល់លើកនេះហើយ។ មនុស្សមួយចំនួនគិតថា ទឹកខ្មៅរង្វង់ពណ៌ខៀវ វាអាចធ្វើឱ្យមើលទៅពីមាន់ទៅពស់ថ្លាន់ភឿក។
ខណៈមតិមួយទៀត ប្រាប់អំពីបទពិសោធដូចគ្នានេះថា កុម្ម៉ង់អាហារពីភោជនីយដ្ឋាន ប្រទះឃើញទឹកថ្នាំចាក់ចូល ហើយឃើញថាជាប់មិនអាចដុសចេញបានទេ។ ឃើញករណីបែបនេះធ្វើឱ្យរឹតតែមិនយល់។ ផ្សិតមានវាយនភាពទន់ជាងសាច់មាន់ ប៉ុន្តែហេតុអ្វីបានជាទឹកថ្នាំមិនទាន់រលាយចេញ?៕ រក្សាសិទ្ធិដោយ៖ លឹម ហុង
![](https://cen.com.kh/wp-content/uploads/2023/12/7a28-5.jpg)
![](https://cen.com.kh/wp-content/uploads/2023/12/7a29-6.jpg)
![](https://cen.com.kh/wp-content/uploads/2023/12/7a30-9.jpg)
![](https://cen.com.kh/wp-content/uploads/2023/12/7a32-4-1024x576.jpg)