នៅក្នុងកម្មវិធីទូរទស្សន៍មួយ លោក ខេម តារាចម្រៀងគ្រាប់ពេជ្រក្នុងផលិតកម្មថោន បានចូលរួមជាតារាកិត្តិយស ព្រមទាំងបានបកស្រាយបទចម្រៀងមនោសញ្ចេតនាមួយបទមានចំណងជើងថា «យំបីរាត្រី» ដែលជាសំនៀងដើម របស់លោកតា ស៊ិន ស៊ីសាមុត ហើយសម្រាប់ការបកស្រាយរបស់លោក ខេម នេះ ពិតជាមានការហ៊ោកញ្ច្រៀវពីសំណាក់ទស្សនិកជនយ៉ាងខ្លាំង ។
តាមរយៈបទនេះ លោក ខេម បានបកស្រាយយ៉ាងពិរោះ ជាមួយទឹកដមសំឡេងដ៏ធ្ងន់របស់លោក ហើយអ្វីដែលពិសេសជាងនេះទៅទៀតនោះ គឺជាការសម្ដែងជាមួយតួស្រី ដែលមើលទៅពិតជាដាក់មនោសញ្ចេតនាខ្លាំង និងសមបំផុត ដែលមិនអាចទប់សម្រែកហោកញ្ច្រៀវរបស់អ្នកទស្សនាបានឡើយ ។
សូមបញ្ជាក់ថា នេះមិនមែនជាលើកទី១ឡើយ ដែលលោក ខេម បានលើកយលបទចម្រៀងមរតកដើម មកបកស្រាយលើឆាកតន្ត្រីនានា ហើយបទចម្រៀង ដែលយកមកបកស្រាយទាំងនោះ សុទ្ធតែធ្វើឱ្យអ្នកគាំទ្រភ្ញាក់ផ្អើលខ្លាំង ព្រោះតែពិរោះ និងការដាក់មនោសញ្ចេតនាបានយ៉ាងល្អរបស់លោក ៕ សាវុធ
