Tuesday, April 16, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ស្រី​ស្អាត​ដើរលេង​ដាច់​យប់ មក​ផ្ទះ​អត់​សោរ​ចូល ព្យាយាម​ឡើង​ទ្វាររបង​ដែក សកម្មភាព​ផ្លោះ​ចូល​ដ៏​ជំ​នាញ ធ្វើ​ឱ្យ​មនុស្ស​រាល់គ្នា​ស្រឡាំងកាំង

spot_img

កាលពីពេលថ្មីៗនេះ វីដេអូឃ្លីបមួយដែលកំពុងត្រូវបានចែករំលែកតៗគ្នានៅលើបណ្ដាញសង្គម ដែលបង្ហាញពីទិដ្ឋភាពស្រីស្អាតម្នាក់ មកផ្ទះយប់ជ្រៅបន្ទាប់ពីចេញដើរលេងក្រៅ ហើយសកម្មភាពព្យាយាមចូលផ្ទះរបស់នាង បានធ្វើឲ្យអ្នកទស្សនាមានអារម្មណ៍ភ័យបុកពោះជំនួស និងអស់សំណើចខ្លាំងតែម្តង។

តាមរយៈវីដេអូឃ្លីបបានបង្ហាញស្រីស្អាតរូបនោះ ដែលមកផ្ទះទាំងកណ្តាលអាធ្រាត្រ ប៉ុន្តែ ដោយសារតែមិនមានកូនសោចូលផ្ទះ នាងក៏បានព្យាយាមឡើង​លើ​ទ្វារ​ដែក​ផ្ទះតែម្តង។

ក្រោយ​ពី​ឡើង​បាន​មួយ​សន្ទុះ ស្រីស្អាតរូបនោះ​បាន​ទៅ​ដល់​ផ្នែកកណ្តាល​នៃ​ទ្វារ។ នៅពេលនោះ នាងក៏បានព្យាយាមលូនចូលតាមចន្លោះរនាំងដែកដ៏តូចៗចង្អៀតចំនួនពីរនៅខាងលើនៃទ្វារយ៉ាងប៉ិនប្រសប់ ហើយអាចឆ្លងខ្លួនផុតទ្វារចូលខាងក្នុងផ្ទះដោយជោគជ័យ។

តែយ៉ាងណាមិញ នៅពេល​ឃើញ​សកម្មភាព​ឡើងទ្វារដ៏លំបាក​របស់​ស្រីស្អាត​ក្នុង​ឃ្លីប​នេះ បាន​ធ្វើ​ឱ្យ​អ្នក​ទស្សនា​មានអារម្មណ៍ភ័យព្រួយ និង​ស្រឡាំងកាំង ​ចំពោះ​ជំនាញ​របស់នាង​ក្នុង​ការ​ឡើង​ឆ្លង​ទ្វារដែក ចូលទៅក្នុងទីធ្លាក្នុងផ្ទះដោយមិនជួបប្រទះការលំបាកច្រើនសោះឡើយ។

ភ្លាមៗបន្ទាប់ពីមានការចែករំលែក ឃ្លីបនេះទទួលបានការចាប់អារម្មណ៍ និងចែករំលែកពីមនុស្សជាច្រើន។ មនុស្សភាគច្រើនបានគិតថា ​ស្រីស្អាតនេះប្រហែល​​ភ្លេច​សោ​ទ្វារ​មុន​ពេល​ចេញ​ពី​ផ្ទះ​ទៅដើរលេងខាង​ក្រៅ។ រីឯអ្នកខ្លះទៀតក៏គិតដែរថា ប្រហែលជានាងមកផ្ទះយឺតពេក ទើបក្រុមគ្រួសារចាក់សោរទ្វារផ្ទះ ហើយចូលគេងមុន ដើម្បីផ្តល់មេរៀនដល់នាងថ្ងៃក្រោយឲ្យរាង។

អ្នកខ្លះទៀត ក៏បានបារម្ភពីសុវត្ថិភាពរបស់នាង ដែលមកផ្ទះយឺត ហើយសកម្មភាពឡើងទ្វារទាំងកណ្តាលអធ្រាត្របែបនេះ អាចនឹងមានគ្រោះថ្នាក់ផងដែរ។ បច្ចុប្បន្ននេះ វីដេអូឃ្លីបនេះនៅតែទទួលបានការចាប់អារម្មណ៍ និងចែករំលែកពីអ្នកនិយមលេងអ៊ីនធឺណិតជាច្រើន៕ រក្សាសិទ្ធិដោយ៖ លឹម ហុង

spot_img
×