តាកែវ៖ ថ្លែងនៅក្នុងកិច្ចប្រជុំផ្សព្វផ្សាយប្រកាសស្តីពីការដាក់អោយអនុវត្តចំណាត់ថ្នាក់រដ្ឋបាល ចំណាត់ថ្នាក់ភូមិសាស្ត្រ ចំណាត់ថ្នាក់មូលនិធិ និងចំណាត់ថ្នាក់គម្រោង នៃមាតិកាថវិកា នៅសាលប្រជុំនៃមន្ទីរសេដ្ឋកិច្ច និងហិរញ្ញវត្ថុខេត្តតាកែវ នាព្រឹកថ្ងៃទី ២០ វិច្ឆិការ ២០១៧ លោក ហោ ប៊ុនណាវឌ្ឍ ប្រធានមន្ទីរសេដ្ឋកិច្ច និងហិរញ្ញវត្ថុខេត្តបានមានប្រសាសន៏ ថាការកិច្ចប្រជុំនៅក្នុងថ្ងៃនេះ គឺ មន្ទីរសេដ្ឋកិច្ច និង ហិរញ្ញវត្ថុ រួមជាមួយ រតនាគារខេត្ត បានរៀបចំឡើងដើម្បីផ្សព្វផ្សាយដល់មន្ត្រីរាជការដែលពាក់ព័ន្ធមួយចំនួននៅក្នុងខេត្តបានយល់ដឹងពីការ រៀបចំជាការចងប្រព័ន្ធលើការគ្រប់គ្រងឯកសារបើកប្រាក់បៀវត្សរ៍ ដល់មន្ត្រីរាជការ ។
យើងឃើញថាកាលពីមុនរាល់ការបំពេញបែបបទនេះគឺមានការត្រួតពិនិត្យលើក្រដាសឯកសារ ហើយត្រូវបានចំណាយពេលវេលាច្រើន ធ្វើអោយមានការយឺតយ៉ាវ ដូច្នេះដើម្បីជាការពន្លឿនដល់ការងារបើកប្រាក់បៀវត្សរ៍ ក៏ដូចជាការគ្រប់គ្រងលើឯកសារនេះ ក្រសួងសេដ្ឋកិច្ចនិងហិរញ្ញវត្ថ បានរៀបចំជាំប្រព្ធនស៊ីសស្ទេមមួយ ដើម្បីចងក្រងជាកម្មវិធីមួយដែលគ្រប់គ្រងលើប្រព័ន្ធកំពុ្យទ័រវិញ ។
ទទឹមនិងការងរៀបចំប្រព័ន្ធគ្រប់គ្រងនេះដែរ លោកប្រធានរតនាគារខេត្តបានលើក ឡើងពីការយឺតយ៉ាវ លើកការបញ្ជូននៅសំណុំឯកសារបើកប្រាក់បៀវត្តន្ស៏ របស់មន្ទីរពាក់ព័ន្ធមួយចំនួន ដែលបញ្ជូនមករតនាគារខេត្ត ដូច្នេះចាប់ពីពេលនេះតទៅ យើងត្រូវតែជួយពន្លឿននៅការងារនេះទាំងអស់គ្នា ដើម្បីរតនាគារខេត្តងាយស្រួលក្នុងការពន្លឿនលើសំណុំឯកសារនេះ ដើម្បីរតនាគារងាយស្រួលក្នុងការសុំជាសាច់ប្រាក់ សម្រាប់បើកប្រាក់បៀវត្សរ៍នេះជូនមន្ត្រីរាជការ ។
លោក ដួង សុវណ្ណ ប្រធានការិយាល័យគណនេយ្យរតនាគារខេត្ត បានអោយដឹងថា ចំណាត់ថ្នាក់រដ្ឋាបាលត្រូវបានរៀបចំឡើងដោយផ្អែកលើរចនាសម្ពន័នៃរដ្ឋបាលថ្នាក់ជាតិ រួមទាំងអង្គភាពថវិការ ចំណុះក្រសួង ស្ថាប័ន និងរចនាសម្ពន័នៃរដ្ឋបាលថ្នាក់ក្រោមជាតិ ។ សូមបញ្ជាក់ផងដែរថា ចំណាក់ថ្នាក់នេះ អនុញ្ញាតអោយយើងបានដឹងអំពីចំណូល និងចំណាយ ដែលត្រូវបានអនុវត្តនៅតាមអង្គភាពនីមួយៗ នៃរដ្ឋបាលទាំង២ថ្នាក់ ៕ តាកែវ
