Tuesday, February 27, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

កូនកំលោះ​ដ៏​ស្រស់​សង្ហា លុតជង្គង់​ពាក់​ស្បែកជើង​ឱ្យ​ភរិយា​ជាទី​ស្រលាញ់ និង​ថែមទាំង​ពោល​ពាក្យពេចន៍​ដ៏​មាន​អត្ថ​ន័យ ឮ​ហើយ​ធ្វើឲ្យ​ម្នា​ក់ៗ​អៀន​លួច​ច្រណែន​មិន​ស្ទើរ

spot_img

រូបភាពនៃសកម្មភាពរបស់កូនកំលោះរូបសង្ហារជនជាតិចិន លុត​ជង្គង់​ពាក់​ស្បែក​ជើង​ឲ្យ​កូនក្រមុំរបស់ខ្លួនដែលមានរូបឆោមដ៏ស្រស់ស្អាត ហើយបានពោលពាក្យសម្តីដ៏ផ្អែមល្ហែមបំផុតទៅកាន់នាង ដែលបានលេចឡើងនៅលើបណ្តាញសង្គម នាពេលថ្មីៗនេះ គឺពុំត្រឹមតែធ្វើឲ្យនារីៗដែលមានវត្តមាននៅក្នុងពិធីទាំងមូល រំភើបចិត្តជំនួសប៉ុណ្ណោះទេ តែក៏បានធ្វើឲ្យមហាជនជានារីៗជាច្រើន លួចមានចិត្តច្រណែនដូចគ្នាផងដែរ រហូតមានអ្នកខ្លះប្រលូយពាក្យថា តើមានបុរសបែបនេះទៀតដែរអត់?!។

តើពាក្យពេចន៍ដ៏ផ្អែមរបស់កូនកំលោះរូបនោះ មានអត្ថន័យជ្រាលជ្រៅយ៉ាងណាទៅ!? យោងតាមប្រភពព័ត៌មានបានឲ្យដឹងថា ឈុតដ៏​មិន​នឹក​ស្មាន​ដល់​ក្នុង​ពិធី​មង្គលការ​មួយ បានធ្វើឲ្យនារីជាច្រើនដែលបានចូលរួមឡើងក្រហមមុខ បន្ទាប់ពីឃើញ​​កូន​កំលោះ​លុត​ជង្គង់​នៅ​ចំពោះមុខ​កូនក្រមុំ ពាក់​ស្បែក​ជើង​ឲ្យ​នាង ហើយ​បាន​សារភាព​ពី​អារម្មណ៍​ដ៏​ជ្រាលជ្រៅ​និង​ស្មោះ​ត្រង់​ នៃ​ការ​ចង់​បាន​របស់​គាត់ ​តាម​រយៈ​ពាក្យ​គួរ​ឱ្យ​ស្រឡាញ់បែបនេះថា «បង​នឹង​មើល​ថែអូន​សម្រាប់​ពាក់​ក​ណ្តា​ល​ដំបូង​នៃ​ជីវិត​របស់អូន ហើយអូននឹងមើលថែរបងនៅពាក់កណ្តាលទីពីរនៃជីវិតរបស់បង បង​សង្ឃឹម​ថា ពេលបង​ចាស់ទៅ អូន​នឹង​មិន​រាំ​ជាមួយ​មនុស្ស​ប្រុសចាស់ណា​ផ្សេង​ទៀត ក្រៅពីរូបបងទេ»។

ជាការពិតណាស់ ក្រោយសម្ដី​ដ៏ផ្អែមល្ហែមរបស់កូនកំលោះបានបញ្ចប់ ​បានធ្វើឲ្យមនុស្សម្នាជាមិត្តភក្តិ សាច់ញាតិនាំគ្នាទះដៃអបអរគូស្នេហ៍អ្នកទាំងពីរ ហើយថែមទាំងនិយាយថាកូនក្រមុំពិតជាគួរឱ្យច្រណែនណាស់ ព្រោះ​គ្រប់​ពាក្យ​របស់​កូន​កំលោះ​ស្តាប់​ទៅគួរឲ្យ​លេង​សើចមែន ប៉ុន្តែ វាក៏ឆ្លុះបញ្ចាំងពីសេចក្តីស្រឡាញ់ដ៏ជ្រាលជ្រៅរបស់គាត់ ចំពោះដៃគូរបស់គាត់ខ្លាំងណាស់។

ជាមួយគ្នានេះផងដែរ អ្នកលេងបណ្តាញសង្គម ក៏បានលើកសរសើរថា ពិធីមង្គលការពិសេសនេះមិនត្រឹមតែបង្ហាញយើងពីអំណាចនៃសេចក្តីស្រឡាញ់ប៉ុណ្ណោះទេ ប៉ុន្តែ​​ក៏​ជួយ​យើង​ឱ្យ​ដឹង​ពី​អត្ថន័យ​ពិត​នៃ​សេចក្ដី​ស្រឡាញ់​ផងដែរ។ ដែនកំណត់នៃកត្តាខាងក្រៅដូចជាអាយុ និងរូបរាងគួរតែត្រូវបានគេបោះបង់ចោល សំខាន់គឺការចេះស្រលាញ់ ស្មោះត្រង់ចំពោះគ្នា ដើម្បីស្វែងរកសុភមង្គលពិត៕ រក្សាសិទ្ធិដោយ៖ លឹម ហុង

spot_img
×