រាជធានីភ្នំពេញ៖ ក្រសួងបរិស្ថាន បានជម្រាបជូនប្រធានមន្ទីរបរិស្ថានរាជធានីខេត្ត ត្រូវជំរុញការអនុវត្តវិធានការច្បាប់ ១០០ភាគរយ លើរាល់បទល្មើសធនធានធម្មជាតិ។
ក្នុងលិខិត ចុះហត្ថលេខាដោយរដ្ឋលេខាធិការប្រចាំការ របស់ក្រសួងបរិស្ថាន នៅថ្ងៃទី២៩ ខែមករា ឆ្នាំ២០២៤ លើកឡើងថា «ក្នុងរយៈពេល បន្ទាប់ពីមានការណែនាំរបស់ឯកឧត្តមរដ្ឋមន្ត្រី ក្រសួងបានសង្កេតឃើញថា នៅមានការខ្វះចន្លោះខ្លះៗ ពីការអនុវត្តវិធានការច្បាប់ ១០០ភាគរយ លើរាល់បទល្មើសធនធានធម្មជាតិ។ ដូចនេះ ក្រសួងសូមធ្វើការក្រើនរំលឹកសាជាថ្មីដល់មន្ទីរបរិស្ថានរាជធានី ខេត្តទាំងអស់ ត្រូវយកចិត្តទុកដាក់ក្នុងការអនុវត្តវិធានការច្បាប់ ១០០ភាគរយ លើរាល់បទល្មើសធនធានធម្មជាតិឱ្យខាងតែបាន និងមិនត្រូវមានជាដាច់ខាតនូវវប្បធម៌ធ្វើកិច្ចសន្យា ហើយដោះលែងជនល្មើស»៕ រក្សាសិទ្ធដោយ ៖ សុទ្ធលី
