ខេត្តស្វាយរៀងៈ បុរសម្នាក់ត្រូវបានសមត្ថកិច្ចនៃអធិការដ្ឋាននគរបាលក្រុងបាវិតធ្វើការឃាត់ខ្លួនក្រោយពីធ្វើសកម្មកាច់សោ កម៉ូតូរបស់អ្នកដ៍ទៃតែយកម៉ូតូពុំបានសម្រេចដែលហេតុការណ៍ខាងលើនេះបានកើតឡើងកាលពីថ្ងៃទី០៤ ខែសីហា ឆ្នាំ២០១៨ វេលាម៉ោង៩:១០នាទីព្រឹកនៅចំនុចវាលស្រែស្ថិតក្នុងភូមិតាពៅ សង្កាត់/ ក្រុងបាវិត ខេត្តស្វាយរៀង ។
សមត្ថកិច្ចបានឱ្យដឹងថាៈ មានករណីចោរលួចម៉ូតូបង្ករដោយជនសង្ស័យម្នាក់ឈ្មោះឡុង ឃ្លោក ភេទប្រុសអាយុ២៨ឆ្នាំ ជនជាតិខ្មែរ មុខរបរកម្មករសំណង់មានទីលំនៅភូមិពោធិរស់ឃុំបាសាក់ ស្រុកស្វាយជ្រុំខេត្តស្វាយរៀង បានធ្វើសកម្មភាពកាច់សោ កម៉ូតូម៉ាកសុីរួត ពណ៍ក្រហមខ្មៅ គ្មានស្លាកលេខរបស់ជនរងគ្រោះឈ្មោះ ភោក សុី ភេទប្រុស អាយុ៥៦ឆ្នាំ មុខរបរកសិករមានទីលំនៅភូមិបាវិតលើ សង្កាត់ បាវិត ក្រុងបាវិត ខេត្តស្វាយរៀង។ ក្រោយធ្វើសកម្មភាពរួចជនសង្ស័យត្រូវបានម្ចាស់ម៉ូតូឃើញទាន់ហើយក៍បានប្តឹងមកសមត្ថកិច្ចដើម្បីឃាត់ខ្លួនជនសង្ស័យតែម្តង។
ប្រភពដដែលបានឱ្យដឹងទៀតថាៈបច្ចុប្បន្នជនសង្ស័យត្រូវបានសមត្ថកិច្ចយើងឃាត់ខ្លួនជាបណ្តោះអាសន្ននៅប៉ុស្តិ៍នគរបាលរដ្ឋបាលបាវិត ដើម្បីបំពេញសុំណុំរឿងបញ្ជូនទៅការរិយាល័យជំនាញខេត្តចាត់ការបន្ត។វ៉ៃកូ
