Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រធានាធិបតី Zimbabwe ៖ យល់ព្រម​លាលែង​ពី​ដំណែង ដើម្បី​ចៀសផុត​ពី​ការចោទប្រកាន់ ឬ​សុខចិត្ត​ប្រឈម​នឹង​ការចោទប្រកាន់​ទោស​ដោយ​ពុំ​ព្រម​លាលែង​ពី​តំណែង​

spot_img

​ម្សិលមិញ​នេះ មានមតិ​ច្រើន​ផ្ទុយ​គ្នា​ជុំវិញ​ស្ថានការណ៍​នៅ Zimbabwe ទាក់ទង​នឹង​ប្រធានាធិបតី​វ័យ ៩៣​ឆ្នាំ Robert Mugabe ។​

​បើតាម AFP ដែល​ដកស្រង់​សម្តី​របស់​តំណាងរាស្ត្រ Paul Mangwana នោះ សភា​ប្រទេស​នេះ​នឹង​ចាប់ផ្តើម​នីតិវិធី​ដំបូង​នៃ​ដំណើរការ​ចោទប្រកាន់​គឺ ការសម្រេចចិត្ត​មួយ​នៅ​ថ្ងៃ​ទី ២១/១១ បើកផ្លូវ​សម្រាប់​ធ្វើ​ការចោទប្រកាន់​ទោស​។​

​នៅពេល​សេចក្តីសម្រេចចិត្ត​នេះ ត្រូវបាន​អនុម័ត បណ្តា​អ្នក​តំណាងរាស្ត្រ Zimbabwe នឹង​បង្កើត​គណៈកម្មាធិការ​ស៊ើបអង្កេត​ប្រកាស​លទ្ធផល​ជូន​ដល់​ព្រឹទ្ធសភា​។​

​ប្រធានាធិបតី Mugabe នឹង​ត្រូវ​ទម្លាក់​ចេញពី​មុខតំណែង ប្រសិនបើ​មាន​សំឡេងឆ្នោត ២/៣​នៅ​រដ្ឋសភា និង​ព្រឹទ្ធសភា​។​

​ស្របពេល​ជាមួយ​គ្នា​នោះ Reuters ដែល​ដកស្រង់​ព័ត៌មាន​ពី​មន្ត្រីជាន់ខ្ពស់ Zimbabwe ឲ្យដឹងថា តាម​ការចរចា​រវាង​ប្រធានាធិបតី Zimbabwe Robert Mugabe ជាមួយ​បណ្តា​នាយទាហានជាន់ខ្ពស់​នោះ មេដឹកនាំ​វ័យ​៩៣​ឆ្នាំនេះ បាន​យល់ព្រម​លាលែង​ពី​តំណែង ហើយ​ពាក្យ​សុំ​លាលែង​របស់​លោក​កំពុង​ត្រូវបាន​គេ​ពង្រាង​។​

​ប្រការ​មានចែង​ក្នុង​លិខិត​នោះ​គឺ លោក Mugabe និង​ភរិយា Grace Mugabe នឹង​ទទួលបាន​ឯកសិទ្ធិ​ពុំ​ត្រូវបាន​ចោទប្រកាន់​ទោស​។​
មុន​នោះ​បន្តិច​មេដឹកនាំ​រូបនេះ​បានប្រកាស​បន្តការងារ ហើយ​ថែមទាំង​ថា​នឹង​ដឹកនាំ​មហាសន្និបាត​បក្ស ZANU-PF ទោះបី​បក្ស​នេះ​បាន​ដកហូត​មុខ​នាទី​ជា​ប្រធាន​បក្ស​របស់​លោក​ក្តី​។​
​ក្រោយ​ការចោទប្រកាន់​របស់​លោក Mugabe ដូចខាងលើ មេដឹកនាំ​អតីតយុទ្ធជន​ជាតិ Chris Mutsvangwa បាន​ប្រកាស​ពី​ការរៀបចំ​ចោទប្រកាន់​ទោស​នៅ​ថ្ងៃ​ទី ២១/១១​។​
​មុន​នេះ​ក្រុម​យោធា បាន​ដាក់​ឱសានវាទ​ឲ្យ​លោក​លា​ចេញ​ថ្ងៃ​ទី ២០/១១ ត្រឹម​ម៉ោង ១២ ។​
អនុ​ប្រធានាធិបតី​ត្រូវ​ដកហូត​តំណែង​មុន​នេះ​លោក Emmerson Mnangagwa បាន​ត្រូវ​តែងតាំង​ជា​ប្រធាន​បក្ស​ថ្មី ហើយក៏​ជា​បេក្ខជន​ជំនួស​លោក Mugabe ធ្វើ​ជា​ប្រធានាធិបតី Zimbabwe ។​
Mugabe ត្រូវ​ដកហូត​តំណែង​បក្ស ហើយ​ភរិយា​ក៏​ត្រូវ​បណ្តេញ​ពី​បក្ស​ដែរ​។​

​ព័ត៌មាន​ថ្មី​បំផុត​ពី CNN នោះ នៅ​ចុង​ថ្ងៃទី ២១/១១/២០១៧ -20/11/2017​នេះ លោក Mugabe បាន​យល់ព្រម​លាលែង​ពី​តំណែង​ដែរ​៕ សូ​យ​ន​

 

spot_img
×