ខេត្តព្រះសីហនុ ៖ កម្លាំងអធិការដ្ឋាននគរបាល ក្រុងព្រះសីហនុ បានឃាត់ខ្លួនជនសង្ស័យចំនួន៣នាក់ ពីបទឆក់ទូរស័ព្ទដៃម៉ាក IPHONE X ពណ៌ខ្មៅ របស់បុរសជនជាតិចិនម្នាក់ កាលពីយប់ថ្ងៃទី៣ ខែសីហា ឆ្នាំ២០១៨ នៅចំណុច ផ្លូវឧតុនិយម ភូមិ៣ សង្កាត់៣ ក្រុងព្រះសីហនុ។
សមត្ថកិច្ចនគរបាលអធិការក្រុងព្រះសីហនុ បានឲ្យដឹងថា ជនសង្ស័យទាំង៣នាក់មាន ឈ្មោះ ហ៊ុយ សេងលី ភេទប្រុស អាយុ ១៦ឆ្នាំ មុខរបរសិស្ស មានទីលំនៅ ភូមិ២ សង្កាត់៤ ក្រុង-ខេត្តព្រះសីហនុ ( អ្នកបើកម៉ូតូ )។ ឈ្មោះ វី ពិសិដ្ឋ ភេទប្រុស អាយុ ១៨ឆ្នាំ មុខរបរ កម្មករសំណង់ មានទីលំនៅ ក្រុម៣៥ ភូមិ៣ សង្កាត់១ ក្រុង-ខេត្តព្រះសីហនុ ( ជិះពីក្រោយឆក់ ) និងឈ្មោះ ខន ម៉ាប់ ភេទប្រុស អាយុ ១៦ឆ្នាំ មុខរបរ មិនពិតប្រាកដ មានទីលំនៅ ក្រុម៣៥ ភូមិ៣ សង្កាត់១ ក្រុង-ខេត្តព្រះសីហនុ ( សមគំនិត )។
សមត្ថកិច្ចបន្តថា ការឃាត់ខ្លួនជនសង្ស័យទាំង៣នាក់ខាងលើ បានរឹបអូសម៉ូតូ ១គ្រឿង ម៉ាកនិច ពណ៌ស-ខ្មៅ ស្លាកលេខៈ ភ្នំពេញ ១CW-៣៤១៩ ( មធ្យោបាយធ្វើសកម្មភាព )។
ចំពោះជនសង្ស័យខាងលើនេះ កម្លាំងករិយាល័យនគរបាលព្រហ្មទណ្ឌកំពុងចាត់ការតាមនីតិវិធី៕ ដែន សីមា
