Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អា​មេ​រិច ដាក់​បញ្ជូល​កូរ៉េខាងជើង​ក្នុង​បញ្ជី​រដ្ឋ​ដែល​គាំទ្រ​អំពើ​ភេ​វរ​កម្ម​

spot_img

ប្រធានាធិបតី​អា​មេ​រិច ដូ​ណា​ល់ ត្រាំ បាន​ប្រកាស​ដាក់​ប្រទេស​កូរ៉េខាងជើង​ចូលក្នុង​បញ្ជី ប្រទេស​ដែល​គាំទ្រ​អំពើ​ភេ​វរ​កម្ម​សារជាថ្មី ៩​ឆ្នាំ ក្រោយ​ពេល​របប​នេះ ត្រូវបាន​ដកចេញ​ពី​បញ្ជី​។​

​ការប្រកាស​ពី​ការដាក់​បញ្ជូល​ព្យុង​យ៉ាង​ក្នុង​បញ្ជី ត្រូវបាន​ប្រកាស​កាលពី​ថ្ងៃ​ច័ន្ទ​ម្សិលមិញ ក្នុង​កំឡុង​ពេល​ជួប​ប្រជុំ​នៅ​គណៈរដ្ឋមន្ត្រី​។ លោក​ថ្លែងថា ក្រសួង​រតនាគារ និង​ប្រកាស​ពី​ទណ្ឌកម្ម​ថ្មី​ប្រឆាំង​កូរ៉េខាងជើង​នៅ​ថ្ងៃ​អង្គារ​នេះ​។​

“​នៅថ្ងៃនេះ អា​មេ​រិច​បានដាក់​បញ្ជូល​កូរ៉េខាងជើង ជា​រដ្ឋ​គាំទ្រ​អំពើ​ភេរវកម្ម​។ រឿងនេះ​វា​គួរ​កើត​ឡើង​យូរ​មក​ហើយ​”​។​ ​របប​កុម្មុនិស្ត​ព្យុងយ៉ាង ត្រូវបាន​ដកចេញ​ពី​បញ្ជី​កាលពី​ឆ្នាំ ២០០៨ ដោយ​ប្រធានាធិបតី George W. Bush​។​

​នាយករដ្ឋមន្ត្រី​ជប៉ុន ហ្សី​ន​ហ្សូ អា​ប៊េ បាន​ស្វាគមន៍​ចំពោះ​វិធានការណ៍​អា​មេ​រិច​ប្រឆាំង​កូរ៉េខាងជើង​។​

​លោក​អា​ប៊េ ថ្លែងថា “​ប្រទេស​របស់​ពួកយើង​សូម​ស្វា​គន៍ និង​គាំទ្រ​ការសម្រេចចិត្ត​អា​មេ​រិច​ក្នុង​ការដាក់​បញ្ជូល​កូរ៉េខាងជើង​ក្នុង​បញ្ជី​ជារ​ដ្ឋ​គាំទ្រ​ភេ​វរ​កម្ម​”​។​

​លោក​ប្រធានាធិបតី ត្រាំ និយាយថា កូរ៉េ​ខាងជើង​បាន​គាំទ្រ​សកម្មភាព​ភេ​វរ​កម្ម​ច្រើនលើកច្រើនសារ ដោយ​រួម​មាន​ការ​ឃាតកម្ម​លើដី​បរទេស​។​

​លោក​ថ្លែង​ទៀតថា “​ការដាក់​បញ្ជូល​ជា​ថ្មី​នេះ នឹង​មាន​ការដាក់ទណ្ឌកម្ម​កាន់តែ​ខ្លាំង​លើ​កូរ៉េខាងជើង និង​គាំទ្រ​យុទ្ធ​ធនា​ការ​របស់​ពួកយើង​ដើម្បី​ធ្វើ​ឲ្យ​រដ្ឋ​ឃាតកម្ម​មាន​ភាព​ឯកោ​”​។​

​បច្ចុប្បន្ន កូរ៉េខាងជើង​កំពុង​ហ៊ុំព័ទ្ធ​ទៅ​ដោយ​ទណ្ឌកម្ម របស់​អង្គការសហប្រជាជាតិ ដោយសារតែ​ការភិវឌ្ឍ​កម្មវិធី​នុយក្លេអ៊ែ​រ និង​មី​ស៊ី​ល​របស់ខ្លួន​។​

​បើ​តាម​ការបញ្ជាក់​របស់​មន្ត្រី​ការទូត​អា​មេ​រិច និង​ចិន​កាលពី​ពេល​ថ្មីៗ​នេះ បានឲ្យដឹងថា ការ​ដាក់​ទណ្ឌកម្ម​លើ​កូរ៉េខាងជើង​កុំ​ពុង​មាន​ប្រសិទ្ធិភាព​។​

​ទោះយ៉ាងណា មេដឹកនាំ​កូរ៉េខាងជើង​ធ្លាប់​ប្រកាសថា ការដាក់​សម្ពាធ​លើ​ខ្លួន មិន​អាច​ធ្វើឲ្យ​ពួកគេ​បោះបង់​គោលដៅ​ក្នុង​ការសម្រេច​នុយក្លេអ៊ែរ​ឡើង ផ្ទុយទៅវិញ វារឹតតែ​ធ្វើឲ្យ​ពួកគេ​ខំ​ពន្លឿន​មហិច្ឆតា​របស់​ខ្លួន​៕ សុភ័ក្ត្រ

spot_img
×