ភ្នំពេញ ៖ ស្ថានទូតបារាំងប្រចាំកម្ពុជា នៅថ្ងៃព្រហស្បតិ៍នេះ បានឱ្យដឹងថា នៅ១៥០ថ្ងៃមុនការបើកព្រឹត្តិការណ៍ខាងលើ លោកឯកអគ្គរដ្ឋទូតបានថ្លែងអំណរគុណអ្នកស្ម័គ្រចិត្ត ចំពោះការប្តេជ្ញាចិត្តរបស់ពួកគេ ដោយមានវត្តមានចូលរួមពីសំណាក់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ឯកឧត្តម សាម៉ឺឌី ស៊ីវឌ្ឍនា រដ្ឋលេខាធិការក្រសួងអប់រំ យុវជន និងកីឡា និងអត្តពលិកបារំាង និងកម្ពុជា ។
ពួកគេនឹងលើកកម្ពស់តម្លៃអូឡាំពិក និងជួយជំរុញឱ្យប្រជាពលរដ្ឋកម្ពុជាស្រលាញ់ចូលចិត្តកីឡា តាម រយៈការបំពេញបេសកកម្មស្ម័គ្រចិត្ត នៅតាមបណ្តាស្ថាប័នកីឡានៅប្រទេសបារាំង និងក្នុងនាមជាអ្នកស្ម័គ្រចិត្តក្នុងអំឡុងព្រឹត្តិការណ៍កីឡាអូឡាំពិកប៉ារីស៍២០២៤។
តាមរយៈអង្គការ France Volontaires Cambodge ប្រទេសបារាំងគាំទ្របម្លាស់ប្តូរអ្នកស្ម័គ្រចិត្តទៅវិញទៅមក និងការប្តេជ្ញាចិត្តរបស់យុវជន យុវនារីដែលជាអនាគតតួអង្គ នៃភាពជាដៃគូប្រកបដោយចីរភាពជាមួយកម្ពុជា។
ស្ថានទូតសូមជូនពរពួកគេទទួលបានបេសកកម្មស្ម័គ្រចិត្តដ៏ល្អប្រសើរ នៅប្រទេសបារាំង៕ រក្សាសិទ្ធដោយ ៖ សុទ្ធលី
