ភ្នំពេញ ៖ គណៈបញ្ជាការឯកភាពរាជធានីភ្នំពេញ បានបើកកិច្ចប្រជុំ នៅព្រឹកថ្ងៃទី១០ មេសានេះ ដើម្បីបន្តត្រួតពិនិត្យវឌ្ឍនភាពលើការងារសន្តិសុខ សណ្តាប់ធ្នាប់របៀបរៀបរយសាធារណៈក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំ២០២៤ ដែលនឹងចូលមកដល់នាពេលឆាប់ៗខាងមុខនេះ។
ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ ដែលអញ្ជើញជាអធិបតីក្នុងកិច្ចប្រជុំនេះ បានថ្លែងថា ការពង្រឹងសន្តិសុខ សណ្តាប់ធ្នាប់ របៀបរៀបរយសាធារណៈក្នុងរាជធានីភ្នំពេញ នាឱកាសបុណ្យចូលឆ្នាំថ្មីប្រពៃណីជាតិ ជាកិច្ចការអាទិភាព។ ក្នុងនោះឯកឧត្ដម អភិបាលបានធ្វើការណែនាំដល់គណៈបញ្ជាការឯភាពខណ្ឌទាំង១៤ ក៏ដូចកម្លាំងសមត្ថកិច្ចជំនាញ ត្រូវយកចិត្តទុកដាក់លើការល្បាតត្រួតពិនិត្យអាវុធជាតិផ្ទុះ ,ការត្រួតពិនិត្យជាតិអាល់កុល និងអប់រំណែនាំដល់ប្រជាពលរដ្ឋក្នុងមូល របស់ខ្លួនឲ្យមានការប្រុងប្រយត្ន័ និងបង្ការគ្រោះអគ្គីភ័យបើយើងមានការធ្វេសប្រហែស។
ឯកឧត្ដម បន្តថា ភ្លើងឆេះស្រួលតែពន្លត់ភ្លើងវាលំបាកដូច្នេះយើងត្រូវយកចិត្តទុកដាក់បង្ការជាមុន ពីគ្រោះអគ្គីភ័យកុំឲ្យកើតមាននៅពេលអាកាសធាតុ កំពុងក្តៅខ្លាំងត្រូវនឹងរដូវចូលឆ្នាំថ្មីថែមទៀត។ ឯកឧត្ដមឃួង ស្រេង ក៏បានជំរុញឲ្យអាជ្ញាធរខណ្ឌ ត្រូវបន្តយកចិត្តទុកដាក់ដោះស្រាយរឿងណា ដែលកើតឡើងឲ្យទាន់ពេល ព្រោះរឿងតូចមួយអាចក្លាយជាអគ្គីភ័យបាន និងប៉ះពាល់ដល់សន្តិសុខ សណ្តាប់ធ្នាប់សង្គម។
ឯកឧត្ដមមាន ចាន់យ៉ាដា និងឯកឧត្ដមកើត ឆែ អភិបាលរងរាជធានីភ្នំពេញ ដែលទទួលការងារសន្តិសុខសណ្តាប់ធ្នាប់ បានលើកឡើងថា ពាក់ពន្ធ័នឹងសង្គ្រាន្តឆ្នាំនេះ យើងបានយកចំណុចខ្ពស់ចាប់ពីថ្ងៃទី១២ ដល់ថ្ងៃទី១៧មេសា មុននឹងក្រោយបុណ្យចូលឆ្នាំ ។ សង្គ្រាន្តឆ្នាំនេះមានលក្ខណៈផុសផុលជាងរាល់ឆ្នាំ ។ ទាំងថ្នាក់រាជធានីភ្នំពេញ, ថ្នាក់ខណ្ឌ, សង្កាត់, សាលារៀន តាមវត្តអារាមក៏ដូចតាមក្រុមហ៊ុនឯកជននានា ដោយមានការរៀបចំផែនការយ៉ាងម៉ត់ចត់ រួមទាំងការពង្រឹងសន្តិសុខនៅតាមទីតាំងសប្បាយភាពនានា ពិសេសនៅរមណីយដ្ឋានវត្តភ្នំ, ការបង្កើតទីបញ្ជាការស្រាលតាមទីតាំងសប្បាយភាព។
ឯកឧត្ដម អភិបាលរាជធានីភ្នំពេញ បានជំរុញឲ្យមានការធ្វើការរួមគ្នា ដោយបែងចែកកម្លាំងល្បាតទាំងថ្ងៃទាំងយប់ដើម្បីធានាថា ពិធីបុណ្យចូលឆ្នាំថ្មីឆ្នាំនេះប្រព្រឹត្តទៅប្រកបដោយភាព សប្បាយរីករាយឈានទៅដណ្តើមយកជ័យលាភីលើការរៀបចំសង្គ្រាន្តបានល្អ និងមានសណ្តាប់ធ្នាប់ល្អ។
សូមបញ្ជាក់ថា៖ ដើម្បីទទួលអំណរទេវតាឆ្នាំថ្មី និងសង្រ្គាន្តវត្តភ្នំ រដ្ឋបាលរាជធានីភ្នំពេញ បានរៀបចំតុបតែងលំអអំពូលភ្លើងចំរុះពណ៌ ទង់ជ្វាលា កន្លែងលេងល្បែងប្រជាប្រិយមានទាញព្រ័ត្រ, ចោលឈូង, បោះអង្គញ់ លាក់កន្សែងជាដើម។ នេះជាឆ្នាំទី១ អាណត្តិទី៧ ដែលដឹកនាំដោយសម្តេច មហាបវរធិបតីហ៊ុន ម៉ាណែត ជានាយករដ្ឋមន្ត្រីដែលកម្ពុជា ទទួលបានសុខសន្តិភាព និងមានការអភិវឌ្ឍលើគ្រប់វិស័យ ប្រជាពលរដ្ឋរស់នៅប្រកបដោយភាពសុខសាន្ត៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/04/77e0a7d5ce96e7c968730e51f5d2869b-1024x682.jpg)
![](https://cen.com.kh/wp-content/uploads/2024/04/7d1aa815b57b5a1350496b2d229dc75a-1024x682.jpg)
![](https://cen.com.kh/wp-content/uploads/2024/04/3fd11be70ed8fb2ae6461c6d762f94b9-682x1024.jpg)
![](https://cen.com.kh/wp-content/uploads/2024/04/be97666450ef20f57c363e5294faaa9a-1024x682.jpg)
![](https://cen.com.kh/wp-content/uploads/2024/04/2f20e7d80a507dd327fdb5d776871f25-1024x682.jpg)
![](https://cen.com.kh/wp-content/uploads/2024/04/30d2896df83ac23c1d679fba18cc19cd-1024x682.jpg)
![](https://cen.com.kh/wp-content/uploads/2024/04/94a3f15d4aa6a4aaa80bc7322d210536-1024x682.jpg)
![](https://cen.com.kh/wp-content/uploads/2024/04/e2dbab6c96353431d3084e517dd3ab6d-1024x682.jpg)
![](https://cen.com.kh/wp-content/uploads/2024/04/723af3900d0e0e5ae430ff17b8c465c6-1024x682.jpg)
![](https://cen.com.kh/wp-content/uploads/2024/04/13f3bd25803d5a2432922d7e5a295fee-1024x682.jpg)
![](https://cen.com.kh/wp-content/uploads/2024/04/1665e9f1f690eed78d4b548dc7a8944e-1024x682.jpg)
![](https://cen.com.kh/wp-content/uploads/2024/04/afb14336edc482869e55d516e5e8f8df-1024x682.jpg)
![](https://cen.com.kh/wp-content/uploads/2024/04/0ebec0ff0bcf77866d3ab692728f4536-1024x682.jpg)
![](https://cen.com.kh/wp-content/uploads/2024/04/67061b6ffd9292744e7cef4eb44c2af1-1024x682.jpg)
![](https://cen.com.kh/wp-content/uploads/2024/04/f2f298c29eea02f84a3d78039c36ce39-1024x576.jpg)
![](https://cen.com.kh/wp-content/uploads/2024/04/066ee4a8972ed509ce55911cea4156fb-1024x576.jpg)
![](https://cen.com.kh/wp-content/uploads/2024/04/5d4ba49d568a8805560d950227c43b66-1024x576.jpg)
![](https://cen.com.kh/wp-content/uploads/2024/04/5843a202e62e1ce4dc48f867fe51dc12-1024x576.jpg)
![](https://cen.com.kh/wp-content/uploads/2024/04/9696c527dd2465e64f93677b1cdf0cbe-1024x682.jpg)
![](https://cen.com.kh/wp-content/uploads/2024/04/6a524ddd9293c34f93b279ef02eb1a51-1024x682.jpg)