ភ្នំពេញ ៖ ក្នុងឱកាសបុណ្យចូលឆ្នាំថ្មីប្រពៃពីជាតិ ឆ្នាំរោង ឆស័កព.ស២៥៦៨ គ្រឹស្ត សករាជ ២០២៤រដ្ឋបាលរាជធានីភ្នំពេញ បានរៀបចំពិធីសូត្រមន្តរាប់បាត្រព្រះសង្ឃចំនួន៦៨អង្គ ក្នុងន័យចូលរួមអបអរសាទរទេវតាឆ្នាំថ្មី ព្រះនាម មហោធរទេវីជាបុត្រីទី៧របស់ កបិលមហាព្រហ្មដែលនឹងចុះមកគ្រប់គ្រងភពផែនដីជំនួសទេវតាឆ្នាំចាស់នាវេលាម៉ោង២២និង២៤នាទីថ្ងៃទី១៣មេសាឆ្នាំ២០២៤ដោយមានការអញ្ជើញចូលរួមជាអធិបតីពីឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ,ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញនិងលោកជំទាវ។
ពិធីនេះក៏បានបង្ហាញឲ្យឃើញពីការគោរពប្រតិបត្តិប្រពៃណីទំនៀមទម្លាប់ជាតិ ពិសេសក្នុងឱកាសទទួលទេវតាឆ្នាំថ្មីដើម្បីបណ្តេញគ្រោះចង្រៃ ឧបទ្រពផងទាំងពួងដែលកើតមានពីឆ្នាំចាស់ នឹងសុំពរជ័យពីទេវតាឆ្នាំថ្មីក៏ដូចរួមចំណែកថែរក្សាប្រពៃណីទំនៀមទំលាប់ និងវប្បធម៌ជាតិដ៏ល្អផូរផង់។
នេះជាការចាប់ផ្តើមនៃការប្រារព្វពិធីសូត្រមន្តរាប់បាត្ររបស់រដ្ឋបាលរាជធានីភ្នំពេញ ក៏ដូចស្ថាប័ននានានិងបងប្អូនប្រជាពលរដ្ឋ ក្រោមការដឹកនាំរបស់រាជរដ្ឋាភិបាលអាណត្តិទី៧ឆ្នាំទី១ ដែលមានសម្តេចមហាបវរធិបតីហ៊ុន ម៉ាណែត ជានាយករដ្ឋមន្ត្រី និងស្របពេលដែលកម្ពុជាកំពុងមានសុខសន្តិភាព និងការអភិវឌ្ឍន៏លើគ្រប់វិស័យជាពិសេសការអភិវឌ្ឍ នៅរាជធានីភ្នំពេញធ្វើឱ្យជីវភាពរស់នៅរបស់ប្រជាពលរដ្ឋ កាន់តែប្រសើរឡើងក្រោមម្លប់សន្តិភាព។ ប៉ុន្តែឆ្នាំនេះ ពិធីបុណ្យចូលឆ្នាំថ្មី ប្រពៃណីជាតិខ្មែរត្រូវបានរៀបចំឲ្យមានភាពអធិកអធមកាន់តែផុលផុស និងបង្កភាពសប្បាយរីករាយជូនប្រជាពលរដ្ឋតាមរយៈការរៀបចំឲ្យមានសង្គ្រាន្តនៅគ្រប់ទីកន្លែងតាំងសង្គ្រាន្តវត្តភ្នំ ក៏ដូចសង្គ្រាន្តតាមខណ្ឌទាំង១៤ សង្កាត់ទាំង១០៥ព្រមទាំងតាមវត្តអារាម សាលារៀន ក្រុមហ៊ុនឯកជន និងមានការជួបជុំកំសាន្តសប្បាយយ៉ាងរីករាយ។
បច្ចុប្បន្ននេះក្រោមការដឹកនាំអភិវឌ្ឍន៍ដោយឯកឧត្ដឃួង ស្រេង អភិបាលនៃគណៈអភិបាលរាជធានីភ្នំពេញ ក្រោមអនុសាសន៏ដ៏ខ្ពង់ខ្ពស់របស់សម្តេចមហាបវរធិបតីហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឱ្យការអភិវឌ្ឍន៍ទីក្រុងបោះជំហានទៅមុខ ហួសពីការស្មាន។ ដើម្បីចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិនេះដែរ រដ្ឋបាលរាជធានីភ្នំពេញបានប្រកាសជូនដំណឹងពីការប្រារព្វកម្មវិធីសង្ក្រាន្តវត្តភ្នំនៅរមណីយដ្ឋានវប្បធម៌ប្រវត្តិសាស្ត្រវត្តភ្នំ រយៈពេល៣ថ្ងៃក្នុងឱកាសបុណ្យចូលឆ្នាំថ្មីប្រពៃណីជាតិ។ ជាមួយគ្នានេះ រដ្ឋបាលរាជធានីភ្នំពេញក៏បានជូនដំណឹង ពីការហាមឃាត់ មិនអនុញ្ញាតិឲ្យលេងល្បែងដែលមិនមែនជាប្រពៃណីវប្បធម៌ជាតិ នឹងត្រូវប្រកាន់ខ្ជាប់សេចក្តីថ្លៃថ្នូរ ចូលរួមទប់ស្កាត់រាល់បទល្មើសផ្សេងៗ ដែលអាចកើតមានឡើងក្នុងឱកាសបុណ្យចូលឆ្នាំថ្មីប្រពៃណីជាតិ ចូលរួមទប់ស្កាត់ពីគ្រោះអគ្គីភ័យការ បើកបរត្រូវគោរពច្បាប់ចរាចរផ្លូវគោក បើកបរកុំពិសារគ្រឿងស្រវឹងជាដើម។ ជាមួយគ្នានេះរដ្ឋបាលរាជធានីភ្នំពេញ បានគិតគូទៅលើការពង្រឹងសន្តិសុខសណ្តាប់ធ្នាប់ របៀបរៀបសាធារណៈ ក្នុងរាជធានីភ្នំពេញរួមទាំងលើកកំពស់ការប្រុងប្រយ័ត្នពីគ្រោះអគ្គីភ័យផងដែរ ធ្វើយ៉ាងណាឱ្យពិធីបុណ្យចូលឆ្នាំថ្មីប្រពៃណីជាតិនេះ ដំណើរការទៅដោយក្តីសប្បាយរីករាយ និងសុំពរជ័យពីទេវតាឆ្នាំថ្មីព្រះនាមហោធរទេវី សម្រាប់ឆ្នាំថ្មីនេះ៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/04/a3fbb06e3e7e6da4ee83ab47253ff7a2-1024x682.jpg)
![](https://cen.com.kh/wp-content/uploads/2024/04/c29228e0ec2eca7c9f5c144aaf6969ac-1024x682.jpg)
![](https://cen.com.kh/wp-content/uploads/2024/04/6e3b4d94742a30662bbac2540c10812e-1024x682.jpg)
![](https://cen.com.kh/wp-content/uploads/2024/04/c5c7a196181c6c1760837d9066b46a44-1024x682.jpg)
![](https://cen.com.kh/wp-content/uploads/2024/04/4cfdb40d557ca4dfe52455eb3d4bfc8c-1024x682.jpg)
![](https://cen.com.kh/wp-content/uploads/2024/04/f77630a9c7b7644af6e38696b80a00fa-1024x682.jpg)
![](https://cen.com.kh/wp-content/uploads/2024/04/95d5e3baaab08f95b3259e3f62d308bf-1024x682.jpg)
![](https://cen.com.kh/wp-content/uploads/2024/04/2b2fd01dd954fefc85c031445ea34db2-1024x682.jpg)
![](https://cen.com.kh/wp-content/uploads/2024/04/d63b51534e449c5435e2112db7c47c84-1024x682.jpg)
![](https://cen.com.kh/wp-content/uploads/2024/04/eccdac46f24e9528b65f2768f1ef2082-1024x682.jpg)
![](https://cen.com.kh/wp-content/uploads/2024/04/eba99f24e3b84339eb5c67a6bedd8cd8-1024x682.jpg)
![](https://cen.com.kh/wp-content/uploads/2024/04/a7936e92358ce3f02622a0b5438baba2-1024x682.jpg)
![](https://cen.com.kh/wp-content/uploads/2024/04/802cd3fa02da222cccd357f6f99c2dc3-1024x682.jpg)
![](https://cen.com.kh/wp-content/uploads/2024/04/c98e67ef030d4ed90d3ab726181df721-1024x682.jpg)
![](https://cen.com.kh/wp-content/uploads/2024/04/b378005267d7c8d79d3d451f42d12ab4-1024x682.jpg)
![](https://cen.com.kh/wp-content/uploads/2024/04/771a93256ff1dcc099c5ec7d0004a761-1024x682.jpg)
![](https://cen.com.kh/wp-content/uploads/2024/04/bdf535a6dd101865174a699a5b108fa2-1024x682.jpg)
![](https://cen.com.kh/wp-content/uploads/2024/04/d71a16e555bc96c4461b0064b39d560c-1024x682.jpg)
![](https://cen.com.kh/wp-content/uploads/2024/04/0be1e190cb80d335bf59b152c0126318-1024x682.jpg)
![](https://cen.com.kh/wp-content/uploads/2024/04/91adc75ff4ca13e24be99ded656c9b73-1024x682.jpg)