ប៉ុន្មានថ្ងៃមុន គេហទំព័រ cen.com.kh បានពាំនាំព័ត៌មានស្តីពីរឿងប៉ារ៉ាសិតចម្លែកត្រូវបានរកឃើញក្នុងពោះរបស់ទាហានកូរ៉េខាងជើងរត់មកកូរ៉េខាងត្បូង ហើយរងរបួសជាទម្ងន់។ ឥឡូវអ្វីៗត្រូវបានអ្នកវិទ្យាសាស្ត្របកស្រាយពន្យល់ឆ្លុះបញ្ចាំងឲ្យឃើញថា ពលរដ្ឋកូរ៉េខាងជើងពិតជាមហាវេទនា ដោយសារមហិច្ឆិតាកាំជ្រួច និងនុយក្លេអ៊ែរ របស់មេដឹកនាំតត្រកូលនៅទឹកដីកុម្មុយនីសមួយនេះ។
សប្តាហ៍មុនក្នុងដំណើរការសង្គ្រោះនិងព្យាបាលវេជ្ជបណ្ឌិតកូរ៉េខាងត្បូង បានរកឃើញប៉ារ៉ាសិតក្នុងពោះរបស់ទាហានរូបនេះ ដែលក្នុងនោះមានព្រូនមូលប្រវែងដល់ទៅ 27cm។
តាមរយៈនោះ និងកំណត់ត្រា នៃការសង្គ្រោះមនុស្សរត់ចេញពីកូរ៉េខាងជើងមុនៗឆ្លុះបញ្ចាំងពីស្ថានភាពនៃវិបត្តិមនុស្សធម៌ និងសុខាភិបាលកូរ៉េខាងជើង គ្រាប្រទេសនេះយកចំណូលស្ទើទាំងអស់ទៅអភិវឌ្ឍនុយក្លេអ៊ែរ។
កាសែត NewsWeek ឲ្យដឹងថា កូរ៉េខាងជើងចំណាយ 22% នៃផលិតផលក្នុងស្រុក (GDP) ទៅលើកងទ័ព។ ចំណាយផ្សេងៗទៀតត្រូវបានកាត់ចោល ឬមានកំរិតតិចតួច។
ពលរដ្ឋកូរ៉េខាងជើង ត្រូវបានបរិភោគតិចជាងមុន ដើម្បីទុកលុយអភិវឌ្ឍនុយក្លេអ៊ែរ។ របាយការណ៍១របស់ UN បញ្ជាក់ថា ៖ ពលរដ្ឋកូរ៉េខាងជើង ៥នាក់ មាន២នាក់បាក់កម្លាំង ៧០% នៃពលរដ្ឋសំណូមពរជំនួយស្បៀងអាហារដើម្បី…រស់ក្នុងនោះមានក្មេងៗ ១,៣លាននាក់ក្រោមអាយុ៥ឆ្នាំ។
ស្បៀងអាហាររបស់ប្រទេសនេះអាចបណ្តាលឲ្យពួកគេរងជំងឺ ឬស្លាប់បាន។ តាម New york Times មនុស្សច្រើនដែលរត់គេចចេញពីប្រទេសខ្លួនបានសុទ្ធសឹងរងការចំលងប៉ារ៉ាសិត។ មូលហេតុតំបន់គឺព្រោះគ្មានជីវគីមី នាំឲ្យពួកគេត្រូវប្រើលាមករបស់មនុស្សជំនួស។
សាស្ត្រាចារ្យ Peter Preiser នៃសកលវិទ្យាល័យបច្ចេកទេស Nawgang សិង្ហបុរីប្រាប់ BBC ថា ៖ “អ្វីៗដែលពពួកប៉ារ៉ាសិតស៊ី គឺយកសារធាតុបំប៉នចេញពីរាងកាយរបស់អ្នក ហើយអ្នកមានផ្ទុកវាជាមនុស្សពុំមានសុខភាពមាំមួនទេ!”។
រីឯទាហានរត់ចោលជួរនោះពេលនេះ នៅពុំទាន់ដឹងខ្លួននៅឡើយ។ គេពុំទាន់ច្បាស់ថា អ្នកជំងឺនេះ អាចខ្លាំងបំផុតដែរឬទេ៕ សូយន