ភ្នំពេញ ៖ កម្លាំងការិយាល័យនគរបាលព្រហ្មទណ្ឌ និងការិយាល័យសន្តិសុខ នៃស្នងការដ្ឋាននគរបាលរាជធានីភ្នំពេញ សហការជាមួយនាយកដ្ឋានចារកម្ម, នាយកដ្ឋាននគរបាលព្រហ្មទណ្ឌកម្រិតធ្ងន់ បានបើកប្រតិបត្តិការស្រាវជ្រាវ ឈានដល់ធ្វើការបង្ក្រាបជនសង្ស័យម្នាក់ ពាក់ព័ន្ធករណីឃាតកម្មគិតទុកជាមុន (យកកាំភ្លើងខ្លី បាញ់ ជនរងគ្រោះ រួចយកសាកសព ដាក់ចូលវ៉ាលីស) ប្រព្រឹត្តល្មើសកាលពីថ្ងៃទី៥ ខែមេសា ឆ្នាំ២០២៤ នៅក្នុងបន្ទប់លេខ១០១ ជាន់ទី១ សណ្ឋាគារ គ្រីស្ទាល់ប៊្លូ ស្ថិតនៅតាមបណ្តោយផ្លូវព្រះស៊ីសុវត្ថិ ភូមិ១ សង្កាត់ផ្សារកណ្តាលទី១ ខណ្ឌដូនពេញ។
ជនសង្ស័យ ឈ្មោះ LIN HSUAN MING ភេទប្រុស អាយុ៣២ឆ្នាំ ជនជាតិចិនតៃវ៉ាន់។
បច្ចុប្បន្នសមត្ថកិច្ចជំនាញកំពុងកសាងសំណុំរឿងបញ្ជូនតុលាការ ចាត់ការតាមនីតិវិធី៕ រក្សាសិទ្ធដោយ ៖ សុទ្ធលី