ខេត្តព្រះសីហនុ ៖ ប្រធានសម្ព័ន្ធសមាគមសហគ្រាសធុនតូច និងមធ្យម ខេត្តព្រះសីហនុ លោកឧកញ៉ា វណ្ណ សុខហេង នៅថ្ងៃព្រឹកថ្ងៃសៅរ៍ ទី១១ ខែសីហា ឆ្នាំ២០១៨នេះ បានដឹកនាំសមាជិកសមាជិការ ឬវិស័យឯកជន ចំនួន៥អង្គភាព ទៅវបរិច្ចាគឈាម ជូនមន្ទីរពេទ្យបង្អែកខេត្តព្រះសីហនុ។
លោកឧកញ៉ាបន្តថា ការដឹកនាំផ្តល់ឈាមជូនមន្ទីរពេទ្យបង្អែកខេត្តព្រះសីហនុពេលនេះ ក្នុងន័យការងារមនុស្សធ៌ម ដើម្បីរួមចំណែកជួយសង្គ្រោះអាយុជីវិតមនុស្ស។
លោកឧកញ៉ា វណ្ណ សុខហេង ប្រធានសម្ព័ន្ធសមាគមសហគ្រាសធុនតូច និងមធ្យម ខេត្តព្រះសីហនុ បានឲ្យដឹងថា មានសមាជិក សមាជិការបស់សម្ព័ន្ធប្រមាណ៣០នាក់ បានទៅចូលរួមបរិច្ចាគឈាម ជូនមន្ទីរពេទ្យបង្អែកខេត្តព្រះសីហនុ នៅព្រឹកថ្ងៃសៅរ៍ ទី១១ ខែសីហា ឆ្នាំ២០១៨។
ឧកញ៉ា វណ្ណ សុខហេង បានចាត់ទុក ការផ្តល់ឈាម របស់ក្រុមការងារសម្ព័ន្ធសមាគមសហគ្រាសធុនតូចនិងមធ្យមខេត្តព្រះសីហនុពេលនេះ គឺធ្វើឡើងក្នុងនាមមនុស្សធម៌ ដើម្បីជួយដល់ការងារសង្គម តាមរយៈវិស័យឯកជន ដើម្បីរួមចំណែកកាត់បន្ថយភាពក្រីក្រជូនប្រជាពលរដ្ឋ ជាមួយប្រមុខដឹកនាំរាជរដ្ឋាភិបាលកម្ពុជា។
លោកឧកញ៉ា វណ្ណ សុខហេង ដែលជានាយកសាលាអាយដៀស៊សស្តង់ដារជាតិ និងអន្តរជាតិ ប្រចាំខេត្តព្រះសីហនុផងនោះ បានចាត់ទុកការផ្តល់ឈាម ថាជាការផ្តល់ក្តីសង្ឃឹមមួយ ក្នុងការជួយសង្គ្រោះជីវិតមនុស្ស និងផ្តល់ស្នាមញញឹមជាថ្មី ទៅដល់ជនរងគ្រោះ ឬអ្នកជំងឺ..។
ចំណែក លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុ បានស្វាគមន៍ សមាជិក សមាជិកា របស់សម្ព័ន្ធសមាគមសហគ្រាសធុនតូច និងមធ្យម ខេត្តព្រះសីហនុ ដែលបានរៀបចំកម្មវិធីបរិច្ចាគឈាម ជូនមន្ទីរពេទ្យបង្អែកខេត្តព្រះសីហនុ ដើម្បីជួយដល់ជនរងគ្រោះ ឬអ្នកជំងឺ ដែលមកសម្រាកព្យាបាល នៅមន្ទីរពេទ្យបង្អែកខេត្តព្រះសីហនុនាឱកាសនេះ។
ឆ្លៀតឱកាសនេះ លោកវេជ្ជបណ្ឌិត សេង ណុង បានថ្លែងអំណរគុណ ក្នុងនាមន្ទីរពេទ្យ ក៏ដូចជាជំនួសមុខឲ្យអ្នកជំងឺ ចំពោះទឹកចិត្តប្រកបដោយមនុស្សធម៌ របស់សមាជិក សមាជិកា សម្ព័ន្ធសមាគមសហគ្រាសធុនតូច និងមធ្យមខេត្តព្រះសីហនុ ដែលបានអញ្ជើញមកបរិច្ចាគឈាម ជូនមន្ទីរពេទ្យបង្អែក ខេត្តព្រះសីហនុ ជាច្រើននាក់ ដោយម្នាក់បានបង្ហាញទឹកមុខរីករាយក្នុងការបរិច្ចាកឈាម នៅព្រឹកថ្ងៃសៅរ៍ ទី១១ ខែសីហា ឆ្នាំ២០១៨នេះ៕ ដោយ ៖ ដែនសីមា
