ខេត្តត្បូងឃ្មុំ: មេឃខ្មៅងងឹតមីដេដាសលើអាកាសមិនបានប៉ុន្មានផងស្រាប់តែមានខ្យល់កន្ត្រាក់ បានបក់មកពីទិសខាងត្បូងមកលើឃុំទន្លងនិងឃុំជាំគ្រវៀន ស្រុកមេមត់ ជាហេតុបណ្ដាលឱ្យលំនៅឋានរបស់បងប្អូនប្រជាពលរដ្ឋរងការខូចខាតរបើកដំបូលទាំងតូចទាំងធំជាង១០០ខ្នងនិងបាក់ដើមកៅស៊ូរាប់ម៉ឺនដើមដែលកំពុងហុចផល។សំណាងល្អក្នុងគ្រោះធម្មជាតិភ្លៀងលាយឡំដោយខ្យល់កន្ត្រាក់នេះមិនបណ្ដាលឲ្យពលរដ្ឋណាម្នាក់រងគ្រោះថ្នាក់ដល់អាយុជីវិតនោះទេ។ នេះជាហេតុការណ៍គ្រោះធម្មជាតិកម្របានជួបនាពេលកន្លងទៅ។
សមត្ថកិច្ចមូលដ្ឋានប្រាប់ឲ្យដឹងនៅព្រឹកថ្ងៃទី៩មិថុនាថា: គ្មាននរណាម្នាក់នឹកស្មានដល់នោះទេដោយមើលទៅលើមេឃឃើញខ្មៅងងឹតដាបបន្តិចក្រោយមក ស្រាប់តែខ្យល់កន្ត្រាក់។បោកៗជាខ្លាំង ដែលជាហេតុធ្វើឲ្យលំនៅឋានរបស់បងប្អូនប្រជាពលរដ្ឋទាំងតូចធំរងការខូចខាត។ដែលគ្រោះធម្មជាតិនេះបានកើតឡើងកាលពីវេលាម៉ោង៥និង២៥នាទីល្ងាច ថ្ងៃទី៧មិថុនាឆ្នាំ២០២៤ នៅចំណុចភូមិស្លាភ្នំនិងភូម្កោរ ឃុំទន្លូង មានភ្លៀង ខ្យល់,រន្ទះបណ្តាលអោយខូចខាតចំនួន ១០៤គ្រួសារ
-របើកដំបូលផ្ទះចំនួន៣១គ្រួសារ
-បាក់ដើមកៅស៊ូចំនួនជាង៥០០០ដើមស្មើ៧៦គ្រួសារ
-បាក់ដើមស្វាយចន្ទីរចំនួន២៤០ដើមស្មើ១១គ្រួសារនិងជន្លង់ម្រេចមួយចំនួនទៀតផង។
សមត្ថកិច្ចមូលដ្ឋានបន្តឲ្យដឹងទៀតថាហេតុការណ៍ភ្លៀងធ្លាក់នេះបានកើតឡើងប្រហែលមួយម៉ោងឯណោះ។បន្ទាប់មកលោកឧត្តមសេនីយ៍ត្រីចិន នី ស្នងការនគរបាលខេត្ត បានឱ្យកម្លាំងប៉ុស្តិ៍រដ្ឋបាលមូលដ្ឋានចុះស្រាវជ្រាវមើលពីផលប៉ះពាល់ដោយគ្រោះធម្មជាតិនេះសំណាងល្អមិនមានបងប្អូនណាម្នាក់រងគ្រោះថ្នាក់នោះទេ។ ចំណែកនៅភូមិម្រាន់និងភូមិជ្រៃឡើងក្នុងឃុំជាំគ្រវៀនជាប់ព្រំដែនប្រទេសវៀតណាម ភ្លៀងនិងខ្យល់កន្ត្រាក់នេះបានបំផ្លាញដើមកៅស៊ូកំពុងតែហុចផលរាល់ថ្ងៃដែលមានចំនួន១០៣៦៩ដើម ថ្មើរនឹងចំនួន៣៣ គ្រួសារ។ នេះជាគ្រោះធម្មជាតិដែលកើតឡើងនៅដើមរដូវវស្សា ហើយភូមិទាំងពីរនេះមិនធ្លាប់ជួបបាតុភាពបែបនេះទេ។ ជាមួយនោះសាខាកាកបាទក្រហមកម្ពុជាខេត្តក៏បានឲ្យអាជ្ញាធរមូលដ្ឋានពិនិត្យមើលទំហំនៃការខូចខាតលំនៅឋានរបស់បងប្អូនប្រជាពលរដ្ឋដើម្បីត្រៀមនិងចុះចែកអំណោយជូនដល់ពួកគាត់ផងដែរ៕ រក្សាសិទ្ធដោយ៖ ភ្នំប្រុសភ្នំស្រី
![](https://cen.com.kh/wp-content/uploads/2024/06/8e6f0d3a54a3931a2553b85c9135b670-768x1024.jpg)
![](https://cen.com.kh/wp-content/uploads/2024/06/07c3b5585abeff6d87934833782f73a4-768x1024.jpg)
![](https://cen.com.kh/wp-content/uploads/2024/06/b3550ab919ae5d9328b3ba19f3e70a05-768x1024.jpg)
![](https://cen.com.kh/wp-content/uploads/2024/06/ee883db643a76218dc532d1e4e92aba2-768x1024.jpg)
![](https://cen.com.kh/wp-content/uploads/2024/06/b81a7230e6a45e73c8a39f5094bbf42e-768x1024.jpg)
![](https://cen.com.kh/wp-content/uploads/2024/06/f149b529691ae251ceaf57dfbabb32a7-768x1024.jpg)
![](https://cen.com.kh/wp-content/uploads/2024/06/e0d2721f0e00ce0a94809e2598994c0a-768x1024.jpg)
![](https://cen.com.kh/wp-content/uploads/2024/06/56fadd1e3badaa0b49539a75d6fa63ef-768x1024.jpg)
![](https://cen.com.kh/wp-content/uploads/2024/06/d27799c521f2fd4dd18f4456764a7599-768x1024.jpg)
![](https://cen.com.kh/wp-content/uploads/2024/06/bbec9f406c7167077b24e928195f0af0-768x1024.jpg)
![](https://cen.com.kh/wp-content/uploads/2024/06/2227c3dc41838bd4376b9bec4cde34d5-1024x768.jpg)
![](https://cen.com.kh/wp-content/uploads/2024/06/a47dcc5324fced20ecca60a1dee85017-1024x768.jpg)
![](https://cen.com.kh/wp-content/uploads/2024/06/b7b578178dae51531c8cfc059644d22a-1024x768.jpg)
![](https://cen.com.kh/wp-content/uploads/2024/06/342bae66328d36483b19e151c6984b34-768x1024.jpg)
![](https://cen.com.kh/wp-content/uploads/2024/06/370bfae533b2a00b9abe550ac54ad172-768x1024.jpg)
![](https://cen.com.kh/wp-content/uploads/2024/06/69b72d1c7ec59c02a8f9ced81578e0b2-1024x768.jpg)
![](https://cen.com.kh/wp-content/uploads/2024/06/61993850d5d1e3100aa53fe13f5ebf17-1024x768.jpg)
![](https://cen.com.kh/wp-content/uploads/2024/06/9d0e8a28870f804966d7f0239ad28958-768x1024.jpg)
![](file:///data/user/0/org.wordpress.android/cache/img_20240609_162815_8209100139144030797314.jpg)
![](file:///data/user/0/org.wordpress.android/cache/img_20240609_162815_4034686673359004145373.jpg)