ភ្នំពេញ ៖ ក្រសួងយុត្តិធម៌ និងអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំពិធីសច្ចាប្រណិធាន សម្រាប់មន្ត្រីសម្រុះសម្រួលដោះស្រាយវិវាទ ជំនាន់ទី១ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការនាថ្ងៃសុក្រ ទី១៤ ខែមិថុនា ឆ្នាំ២០២៤។
ពិធីសច្ចាប្រណិធាននេះ ត្រូវបានរៀបចំឡើងសម្រាប់មន្ត្រីសម្រុះសម្រួលដោះស្រាយវិវាទ ចំនួន ៨៦ រូប បន្ទាប់ពីទទួលបានការសម្រេចផ្តល់នីតិសម្បទាពី អ.ដ.ក. នៅក្នុងកិច្ចប្រជុំលើកទី៦ កាលពីថ្ងៃទី១៣ ខែមិថុនា ឆ្នាំ២០២៤ នេះ។
ការធ្វើពិធីសច្ចាប្រណិធាននេះ គឺមិនត្រឹមតែជាកាតព្វកិច្ច ដែលកំណត់ដោយច្បាប់ ដែលមន្ត្រីសម្រុះសម្រួលដោះស្រាយវិវាទ ត្រូវធ្វេីមុនពេលចាប់ផ្តើមអនុវត្តមុខងាររបស់ខ្លួនជាផ្លូវការប៉ុណ្ណោះទេ តែនេះ ក៏ដើម្បីបង្ហាញពីតម្លាភាព ភាពស្អាតស្អំ និងភាពស្មោះត្រង់របស់ខ្លួន ក្នុងការអនុវត្តមុខងារសម្រុះសម្រួលដោះស្រាយវិវាទជូនប្រជាពលរដ្ឋ ប្រកបដោយភាពត្រឹមត្រូវ និងយុត្តិធម៌។
ថ្លែងក្នុងពិធីនេះ ឯកឧត្តម កើត រិទ្ធ ឧបនាយករដ្ឋមន្ត្រី និងជាប្រធាន អ.ដ.ក. ក៏បានគូសបញ្ជាក់ផងដែរថា ពិធីសច្ចាប្រណិធាននាពេលនេះ គឺជាព្រឹត្តិការណ៍ជាប្រវត្តិសាស្រ្តថ្មីមួយទៀត របស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ និងអាចទុកជាការចាប់ផ្តើមពិតប្រាកដនៃដំណើរការចុះដោះស្រាយវិវាទក្រៅប្រព័ន្ធតុលាការជូនប្រជាពលរដ្ឋ ក្នុងក្របខ័ណ្ឌនៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/06/86a644bba73ff53671def2b735ef43a2-1024x824.jpg)
![](https://cen.com.kh/wp-content/uploads/2024/06/dbd4e0be182dac77cbaa418a2e3649e3-1024x682.jpg)
![](https://cen.com.kh/wp-content/uploads/2024/06/30f11300892efe9a477bb229d7ca79ac-1024x682.jpg)
![](https://cen.com.kh/wp-content/uploads/2024/06/7fd3dccf33547cb97fe4f3a4d0163631-1024x682.jpg)
![](https://cen.com.kh/wp-content/uploads/2024/06/6a357c83df942a745041657436815b16-1024x587.jpg)
![](https://cen.com.kh/wp-content/uploads/2024/06/de0ee77df57d8cae71d0403228ee014a-1024x682.jpg)
![](https://cen.com.kh/wp-content/uploads/2024/06/ce4ef2a9b78f6e2922dd0dde2cefd6d7-1024x682.jpg)
![](https://cen.com.kh/wp-content/uploads/2024/06/123eda047aeb2c7a7efb6355255e2e5c-1024x693.jpg)
![](https://cen.com.kh/wp-content/uploads/2024/06/ba33d81ac35e304f504dfac2fade8168-1024x754.jpg)
![](https://cen.com.kh/wp-content/uploads/2024/06/279b694991b18b1d626498e9e41652ac-1024x682.jpg)
![](https://cen.com.kh/wp-content/uploads/2024/06/872aa6f7b5c238bcd0a7a704c912ad76-1024x682.jpg)
![](https://cen.com.kh/wp-content/uploads/2024/06/912f64f7dbb7093cf76151558cfd034e-1024x682.jpg)
![](https://cen.com.kh/wp-content/uploads/2024/06/eb5dc12d435ce5795a5f3bcca03eb86c-1024x552.jpg)
![](https://cen.com.kh/wp-content/uploads/2024/06/d7d68372dba4cc2d3f10ae915679738e-1024x713.jpg)