ភ្នំពេញ ៖ ឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ នារសៀលថ្ងៃទី១៦មិថុនា បានអញ្ជើញជាអធិបតីក្នុងពិធីក្រុងពាលីតាមបែបសាសនាដើម្បីសុំម្ចាស់ទឹកម្ចាស់ដី សុំសេចក្តីសុខចំរុងចំរើន មុននឹងបើកការដា្ឋន សាងសង់ស្ពានអាកាសភ្លោះតាមបណ្ដោយមហាវិថី សម្ដេចតេជោ ហ៊ុន សែន ប្រសព្វ និងផ្លូវជាតិលេខ២ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវ រាជធានីភ្នំពេញ នៅថ្ងៃចន្ទ ទី១៧ ខែ មិថុនា ឆ្នាំ ២០២៤ស្អែកនេះ។
ជាប្រពៃណីទំនៀមទំលាប់ខ្មែរ មុននឹងចាប់ផ្តើមសាងសង់សំណង់ផ្សេងៗ ដើម្បីឲ្យការសាងសង់នោះប្រព្រឹត្តទៅដោយរលូន និងមានសេចក្តីសុខសេចក្តីចំរើន តែងប្រារព្វនូវពិធីនេះឡើងមិនខនខានឡើយ។
លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងថា៖ ស្ពានអាកាសភ្លោះតាមបណ្ដោយមហាវិថីសម្ដេចតេជោ ហ៊ុន សែន ប្រសព្វ និងផ្លូវជាតិលេខ២ ព្រំប្រទល់រវាង រាជធានីភ្នំពេញ និងខេត្តកណ្តាល ម្ចាស់គម្រោង គឺរាជរដ្ឋាភិបាល តាមរយៈរដ្ឋបាលរាជធានីភ្នំពេញ ដោយប្រើប្រាស់ថវិកាសាងសង់ចំនួន១៦,២០០,៥០០ ដុល្លាអាមេរិក សាងសង់ដោយក្រុមហ៊ុនវិនិយោគទុនអណិកជនកម្ពុជា (OCIC) ដោយប្រើប្រាស់រយះពេលសាងសង់ចំនួន១២ខែ។
គម្រោងសាងសង់ស្ពានអាកាសភ្លោះនេះ ស្ពានជាប្រភេទបេតុងអាមេ ( ធ្នឹមរាងអក្សរ I ) ដែលមានបណ្ដោយស្ពានសរុប ៦២២ម៉ែត្រ ,បណ្ដោយតួស្ពាន ២៨១ម៉ែត្រ ,ផ្លូវតភ្ជាប់ក្បាលស្ពានទៅមកខាងមហាវិថីសម្តេចតេជោ ហ៊ុន សែនប្រវែង ១៨០ម៉ែត្រ,ផ្លូវតភ្ជាប់ក្បាលស្ពានទៅមកខាងព្រលានយន្តហោះ អន្តរជាតិតេជោ ១៦១ម៉ែត្រ។
ស្ពានទី១: ផ្លូវឯកទិសមានទិសដៅតាមបណ្តោយមហាវិថីសម្តេចតេជោ ហ៊ុន សែន ឆ្លងកាត់ផ្លូវជាតិលេខ២ ឆ្ពោះទៅកាន់អាកាសយានដ្ឋានអន្តរជាតិតេជោ។
ស្ពានទី២: ផ្លូវឯកទិសមានទិសដៅឆ្លងកាត់ផ្លូវជាតិលេខ២ ពីអាកាសយានដ្ឋានអន្តរជាតិតេជោ ឆ្ពោះទៅកាន់មហាវិថីសម្តេចតេជោ ហ៊ុន សែន។ ទម្ងន់ផ្ទុកអនុញ្ញាត ២៥តោន កម្ពស់សុវត្ថិភាព ៥,៥០ម៉ែត្រ ( ត្រង់ចំនុចប្រសព្វផ្លូវជាតិលេខ២ )៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/06/53be666254d412c6441b7477220dbc64-1024x682.jpg)
![](https://cen.com.kh/wp-content/uploads/2024/06/1ec71bc29009ac64d5a6bda1a74b2c11-1024x682.jpg)
![](https://cen.com.kh/wp-content/uploads/2024/06/d49a44193b30143b3eeb3dfff5f97f7e-1024x682.jpg)
![](https://cen.com.kh/wp-content/uploads/2024/06/5e501b3f11aee39e68d6e8beb53621d7-1024x682.jpg)
![](https://cen.com.kh/wp-content/uploads/2024/06/0bc46dc77dfe6291800b1d8c99b84a11-1024x682.jpg)
![](https://cen.com.kh/wp-content/uploads/2024/06/9d594a43ab539b7e96800f549e94e86d-1024x682.jpg)
![](https://cen.com.kh/wp-content/uploads/2024/06/f49583774b51d93516d5bc66fb1324f7-1024x682.jpg)
![](https://cen.com.kh/wp-content/uploads/2024/06/272e676fcda86ec8fce11e28b30806bb-1024x682.jpg)
![](https://cen.com.kh/wp-content/uploads/2024/06/e38eacd782dbdcd0f684dcaf278175e3-1024x682.jpg)
![](https://cen.com.kh/wp-content/uploads/2024/06/16c0d55daf65ae709e185e6e460183b8-768x1024.jpg)
![](https://cen.com.kh/wp-content/uploads/2024/06/ac906f9fefab922fce9f36c0db699791-1024x768.jpg)
![](https://cen.com.kh/wp-content/uploads/2024/06/bfe80dd23b5dc6aa8c141f808fe6cf3b-1024x768.jpg)
![](https://cen.com.kh/wp-content/uploads/2024/06/4438994b0e7f47b051bb2f32d226ceab-1024x768.jpg)
![](https://cen.com.kh/wp-content/uploads/2024/06/953c254cc7d1c47f06ef7f9be0e29780-1024x768.jpg)
![](https://cen.com.kh/wp-content/uploads/2024/06/09c5a51a8339d966e379855788be2dad-1024x768.jpg)