ខេត្តព្រះសីហនុ៖ សមត្ថកិច្ច នៃស្នងការដ្ឋាននគរបាល ខេត្តព្រះសីហនុ បានឃាត់ខ្លួនជនសង្ស័យជនជាតិចិនចំនួន ២៩នាក់ ( បុរស១៥នាក់ និងនារី ១៤នាក់ កាលពីយប់ថ្ងៃទី១២ ខែសីហា ឆ្នាំ២០១៨ ពាក់ព័ន្ធបទល្មើសជួញដូរផ្លូវភេទ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអោយដឹងថា កម្លាំងនគរបាលជំនាញ បានចុះបង្ក្រាបទីតាំងហាងម៉ាស្សា ដែលបង្កប់បទល្មើសប្រព្រឹត្តិសច្ចារកម្ម ( ជួញដូរផ្លូវភេទខុសច្បាប់ ) មួយករណីកាលពីយប់ថ្ងៃទី១២ ខែសីហា ឆ្នាំ២០១៨ វេលាម៉ោង ២២ និង ៣០នាទី នៅចំណុច ហាងម៉ាស្សា ប៉ាយជីងហាន់កុង ស្ថិតនៅក្រុមទី៨ ភូមិ១ សង្កាត់៣ ក្រុងព្រះសីហនុ ដោយឃាត់ខ្លួនជនជាតិចិនចំនួន២៩នាក់។
យុទ្ធនាការការនេះ ដឹកនាំ និងសម្របសម្រួលដោយ លោក កៀង សុន្ទរោ ព្រះរាជអាជ្ញារង នៃសាលាដំបូងខេត្តព្រះសីហនុ ក្នុងនោះសមត្ថកិច្ចបានឃាត់ខ្លួនជនសង្ស័យជនជាតិចិនចំនួន ២៩នាក់ ( បុរស ១៥នាក់ និង នារី ១៤នាក់ )។
លោកឧត្តមសេនីយ៍ទោស្នងការ បានឲ្យដឹងបន្តថា បន្ទាប់ពីធ្វើការស្រាវជ្រាវ ស៊ីបអង្កេត និងសួរបំភ្លឺឃើញថា៖
មាននារីជនជាតិចិនទាំង១៤នាក់ បានប្រកបមុខរបរផ្លូវភេទ។ ក្នុងនោះ ភ្ញៀវដែលមករកសេវាកម្ម ផ្លូវភេទនេះ មានចំនួន ៨នាក់។
លោកស្នងការ ជួន ណារិន្ទ បានបញ្ជាក់ថា អ្នកដែលពាក់ព័ន្ធ ប្រព្រឹត្តិបទល្មើសសច្ចារកម្ម ( ជួញដូរផ្លូវភេទខុសច្បាប់ ) មានចំនួន ៧នាក់ រួមមាន៖
១- ឈ្មោះ CHEN ZHIMIN ភេទប្រុស អាយុ ៤១ឆ្នាំ ជនជាតិចិន លិខិតឆ្លងដែនលេខៈ ED៤៧៤៧៩៣១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( ថៅកែ )។
២-ឈ្មោះ WU XIANGYUN ភេទប្រុស អាយុ ៤៨ឆ្នាំ ជនជាតិចិន លិខិតឆ្លងដែនលេខៈ ED៣៨៥៨៥៣១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកគិតលុយ )។
៣-ឈ្មោះ XU FEI ភេទប្រុស អាយុ ២៩ឆ្នាំ ជនជាតិចិន លិខិតឆ្លងដែនលេខៈ ED៥៨៥៨២៧៣ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកគ្រប់គ្រងនារីនៅជាន់លើ )។
៤-ឈ្មោះ ZHUANG FEI YUN ភេទប្រុស អាយុ ៣៧ឆ្នាំ ជនជាតិចិន លិខិតឆ្លងដែនលេខៈ ED៨៩១៣២៧១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកបើកឡានជូនភ្ញៀវ )។
៥-ឈ្មោះ CHEN GANG ភេទប្រុស អាយុ ៣៥ឆ្នាំ ជនជាតិចិន ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកទិញឥវ៉ាន់ )។
៦-ឈ្មោះ ZHANG BING ភេទប្រុស អាយុ ២៧ឆ្នាំ ជនជាតិចិន លិខិតឆ្លងដែនលេខៈ G៥៩៣៨៧៥១៩ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកចែកខិតប័ណ្ណ )។
៧-ឈ្មោះ SHI YOUDAN ភេទប្រុស អាយុ ៣៦ឆ្នាំ ជនជាតិចិន លិខិតឆ្លងដែនលេខៈ ED៦៦៧០០៥៨ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកចែកខិតប័ណ្ណ )។
លោកស្នងការ ជួន ណារិន្ទ ឲ្យដឹងដូច្នេះ រួចបញ្ជាក់ថា វត្ថុតាង ដែលសមត្ថកិច្ចចាប់យកបានពីជនសង្ស័យខាងលើមានដូចជា៖ ស្រោមអនាម័យប្រើប្រាស់រួច និងស្រោមអនាម័យមិនទាន់ប្រើប្រាស់ មួយចំនួនធំ។
នាមប័ណ្ណហាងម៉ាស្សា ១០ប្រអប់ វិក័យប័ត្រ ឧបករណ៍ជំនួយក្នុងការរួមភេទ (បាល់ខ្យល់ , ជើងទ្រធំ , ជើងទ្រតូច ) ទូរស័ព្ទដៃ ១៣គ្រឿង រួមទាំងវត្ថុមួយចំនួនទៀត ដែលពាក់ព័ន្ធនិងអាជីកម្មផ្លូវភេទ។
លោកឧត្តមសេនីយ៍ទោ ជួន ណារិន្ទ បន្តថា ចំពោះជនសង្ស័យទាំង ៧នាក់ ខាងលើនេះ មន្ត្រីជំនាញការិយាល័យនគរបាលព្រហ្មទណ្ឌ កំពុងកសាងសំណុំរៀងបញ្ជូនទៅសាលាដំបូងខេត្តព្រះសីហនុ ដើម្បីបន្តនីតិវិធីតាមផ្លូវច្បាប់៕ ដោយ៖ ដែន សីមា
