ភ្នំពេញ ៖ នៅថ្ងៃទី២៨ មិថុនា ២០២៤ ឯកឧត្តមរដ្ឋមន្ត្រី ជា វ៉ាន់ដេត បានទទួលសម្តែងការគួរសម និងពិភាក្សាការងារជាមួយគណៈប្រតិភូក្រសួងការបរទេសជប៉ុន ដឹកនាំដោយ ឯកឧត្តម TSUGE Yoshifumi អនុរដ្ឋមន្ត្រីក្រសួងការបរទេសជប៉ុន និងឯកឧត្តម UENO Atsushi ឯកអគ្គរដ្ឋទូតវិសាមញ្ញ និងពេញសមត្ថភាពជប៉ុនប្រចាំនៅព្រះរាជាណាចក្រកម្ពុជា ព្រមទាំងសហការី ក្នុងគោលបំណងពិភាក្សាលើកិច្ចសហប្រតិបត្តិការក្នុងវិស័យឌីជីថល ការធ្វើទំនើបកម្មវិស័យប្រៃសណីយ៍ និងបទពិសោធផ្នែកសន្តិសុខឌីជីថលរវាងប្រទេសទាំងពីរ។
ភាគីទាំងពីរ បានបញ្ជាក់ពីការបង្កើនល្បឿនបន្ថែមទៀតសម្រាប់កិច្ចសហប្រតិបត្តិការក្នុងវិស័យសន្តិសុខឌីជីថល និងសាយប័ររវាងប្រទេសទាំងពីរ តាមរយៈការចែករំលែកចំណេះដឹង និងកិច្ចសហប្រតិបត្តិការបច្ចេកទេសសម្រាប់ការអភិវឌ្ឍសេដ្ឋកិច្ច និងសង្គមឌីជីថលរបស់កម្ពុជា។ បន្ទាប់មក ឯកឧត្តមរដ្ឋមន្ត្រី ជា វ៉ាន់ដេត បានជូនអនុរដ្ឋមន្ត្រីការបរទេសជប៉ុន ឯកឧត្តម ត្សឹហ្កិ ធ្វើទស្សនកិច្ចស្នាក់ការកណ្តាលប្រៃសណីយកម្ពុជា។
ជាមួយគ្នានេះ ឯកឧត្តមរដ្ឋមន្ត្រី ជា វ៉ាន់ដេត បានដឹកនាំគណៈប្រតិភូ មកទស្សនកិច្ចនៅប្រៃសណីយ៍កម្ពុជា ដើម្បីស្វែងយល់អំពីការវិវត្តន៍របស់ប្រៃសណីយ៍កម្ពុជាបន្ទាប់បានកែទម្រង់ឈានទៅរកភាពកាន់តែប្រសើរឡើងទាំងបរិយាកាសនៃការបំពេញការងាររបស់និយោជិត និងការផ្តល់សេវាប្រៃសណីយ៍រហ័សជូនអតិថិជនប្រកបដោយភាពជឿជាក់ ទុកចិត្ត និងសុវត្ថិភាពខ្ពស់៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/06/8e4fa0763717823b7bdfae630ee8dec7-1024x628.jpg)
![](https://cen.com.kh/wp-content/uploads/2024/06/96d0e3b5b2401478982689f9f2ce9db3-1024x632.jpg)
![](https://cen.com.kh/wp-content/uploads/2024/06/ceccca28f3f6da4267ee142f585d1af0-1024x625.jpg)
![](https://cen.com.kh/wp-content/uploads/2024/06/1aab2402ac2f414395c5218ea4962047-1024x630.jpg)
![](https://cen.com.kh/wp-content/uploads/2024/06/315b2226798090d4eadb30bf59e1a16e-1024x628.jpg)
![](https://cen.com.kh/wp-content/uploads/2024/06/1301bf14803bfcc818a72e2e2d35d6f5-1024x628.jpg)
![](https://cen.com.kh/wp-content/uploads/2024/06/0076c88665f41d80dabcb272bba29e6f-1024x625.jpg)
![](https://cen.com.kh/wp-content/uploads/2024/06/0c23cd7e9f443001f693ed51aa70b796-1024x618.jpg)
![](https://cen.com.kh/wp-content/uploads/2024/06/ba3397bae59b751474a802bb59a7745d-1024x634.jpg)
![](https://cen.com.kh/wp-content/uploads/2024/06/53585e6605f32a619ae6499c35b5009f-1024x626.jpg)
![](https://cen.com.kh/wp-content/uploads/2024/06/aac376fa7229c304e9961c6fa5ac938c.jpg)
![](https://cen.com.kh/wp-content/uploads/2024/06/d86936a9d4cdb5ff101b7afcd17c1221.jpg)
![](https://cen.com.kh/wp-content/uploads/2024/06/bed2209e36cdb65d53c994ef5a9ffb9f-1024x487.jpg)
![](https://cen.com.kh/wp-content/uploads/2024/06/291d7637674b1679753ca33c2651d8c9.jpg)