ទង្វើរបស់ត្រីបាឡែនបញ្ជាក់ថា វាក៏មានអារម្មណ៍ឈឺចាប់ដូចមនុស្សដែលបាត់បាង់សាច់ញាតិជាទីស្រឡាញ់។
កម្មវិធី Blue Planet II (ពិភពបៃតង) របស់ BBC ទើបចាក់ផ្សាយខ្សែភាពយន្តឯកសារធ្វើឲ្យមនុស្សម្នាស្រឡាំងកាំង…ព្រោះខ្លះដឹងខ្លួន!។
ឃើញកូនស្លាប់បាឡែនម្តាយបានធ្វើឲ្យរឿង១ ដែលមនុស្សត្រូវភ្ញាក់ផ្អើល ហើយ…ពិចារណា
ក្នុងនោះត្រីបាឡែនជាម្តាយ បានពាំសាកសពរបស់កូនខ្លួន ហែលចុះឡើងៗជាច្ រើនថ្ងៃ។ កូនត្រីបាឡែនបានស្លាប់ព្រោះទឹកសមុទ្ររងការបំពុលដោយសំរាមមនុស្ស…បន្សល់ទុក -នេះបើតាម Mirror ។
អ្នកដឹកនាំកម្មវិធី David Attenborough បកស្រាយក្នុងខ្សែភាពយន្តថា ៖ “យើងបានបោះចោលសំរាមធ្វើពីជ័រ ៨លានតោន ចុះក្នុងទឹកសមុទ្រក្នុង១ឆ្នាំៗហើយចំនួនសំរាបនេះ បានប្រទាក់ ឬពន្លិចសភាវៈសមុទ្រជាច្រើនឲ្យងាប់”។
អំពីត្រីបាឡែនជាម្តាយវិញ David ពោល ៖ “ត្រីបាឡែនម្តាយបានពាំកូន ហែលពាសពេញទីកន្លែង តែកូនរបស់វាបានស្លាប់ហើយ។ ត្រីបាឡែនជាម្តាយពុំចង់បោះបង់កូនចោល តែវាបានស្លាប់ច្រើនថ្ងៃមកហើយ!”។
ក្រោយមក David បន្តបកស្រាយថា ជ័រអាចរលួយក្នុងទឹកសមុទ្រក្លាយជាសារធាតុពុល និងគ្រោះថ្នាក់ណាស់សម្រាប់ត្រីបាឡែនទាំងនេះ។ កូនត្រីបាឡែនអាចត្រូវបំពុលដោយសារទឹកដោះម្តាយវាមានជាតិពុល។
ពុំត្រឹមតែបាឡែនម្តាយទេ ហ្វូងត្រីបាឡែនទាំងមូលសុទ្ធសឹងហែលយឺតៗ។ David បកស្រាយពីរឿងនេះថា “ត្រីបាឡែនមានសំណុះខួរក្បាលធំ ហើយប្រាកដណាស់វាពិតជាមានអារម្មណ៍។ ការបាត់ត្រីកូន១នេះជះឥទ្ធិពលដល់ហ្វូងរបស់វាទាំងមូលតែម្តង ។
អ្នកទស្សនា Blue Planet II ភ្ញាក់កន្ត្រាក់ខ្លួនព្រោះឃើញពិតៗ ពីមហន្តរាយដោយសំរាមជ័រ នៅសមុទ្រ។
មានសំណេររបស់មនុស្សជាច្រើន ក្រោយទស្សនាភាពយន្តឯកសារនេះ លេចធ្លោ គឺប្រកាសថា ៖ ខ្ញុំយំៗព្រោះវាស្លាប់ដោយសារសំរាមជ័រ។ ខ្ញុំនឹងសាងមហាសមុទ្រថ្មីឲ្យពួកវា រួចហាមឃាត់កុំឲ្យមានមនុស្សទៅកាន់ទីនោះ៕ សូយន