ភ្នំពេញ ៖ នារសៀលថ្ងៃទី៧ ខែកក្កដា ឆ្នាំ២០២៤នេះ សមាគមសិល្បករខ្មែរ បានចុះអនុស្សរណៈយោគយល់គ្នាជាមួយអាជ្ញាធរជាតិប្រយុទ្ធប្រឆាំងគ្រឿងញៀន ស្ដីពីកិច្ចសហការពង្រឹង និងលើកម្ពស់ប្រសិទ្ធភាពការងារផ្សព្វផ្សាយអប់រំពីផលប៉ះពាល់ និងគ្រោះថ្នាក់នៃគ្រឿងញៀន។ ពិធីប្រព្រឹត្តទៅក្រោមអធិបតីភាពដ៏ខ្ពង់ខ្ពស់ឯកឧត្ដមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងមានការអញ្ជើញចូលរួមពីថ្នាក់ដឹកនាំ ភាគីពាក់ព័ន្ធ និងសិល្បករ សិល្បការិនីជាច្រើនរូបផងដែរ។
នៅក្នុងសុន្ទរកថាស្វាគមន៍ អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ បានចាត់ទុកការចុះអនុស្សារណៈយោគយល់គ្នាជាមួយអាជ្ញាធរជាតិប្រយុទ្ធប្រឆាំងគ្រឿងញៀនថា ជាមោទកភាព ដែលទទួលបានការផ្ដល់ទំនុកចិត្តពីអាជ្ញាធរជាតិប្រយុទ្ធប្រឆាំងគ្រឿងញៀន ពិសេសរាជរដ្ឋាភិបាលកម្ពុជា ក្នុងការដឹកនាំសិល្បករ សិល្បការិនី និងក្រុមការងាររបស់សមាគមសិល្បករខ្មែរទាំងអស់ ចូលរួមក្នុងចលនាប្រយុទ្ធប្រឆាំងគ្រឿងញៀន ដែលអទិភាពដ៏ខ្ពស់បំផុតមួយរបស់រាជរដ្ឋាភិបាលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី។
បើតាមអ្នកឧកញ៉ាប្រធានសមាគមមានប្រសាសន៍ថា សិល្បៈជាអាវុធដ៏មុតស្រួចដែលអាចចាក់ចូលក្នុងក្រអៅបេះដូងរបស់មហាជនគ្រប់វ័យ គ្រប់ស្រទាប់វណ្ណៈ ជាពិសេសយុវជនតែម្ដង។ ក្នុងន័យនេះសិល្បករ សិល្បការិនី ពិតជាបុគ្គលដ៏មានសក្ដានុពលបំផុត ក្នុងការរួមចំណែកដល់ការផ្សព្វផ្សាយអប់រំពីផលអាក្រក់ និងគ្រោះថ្នាក់នៃគ្រឿងញៀន។
អ្នកឧកញ៉ាប្រធានសមាគមសិល្បករខ្មែរបានសង្កត់ធ្ងន់ថា៖ សម្ដីមួយម៉ាត់ ចម្រៀងមួយបទ ឬកាយវិការណាមួយរបស់សិល្បករ សិល្បការិនី ពិតជាមានតម្លៃចុះបញ្ចាំងពីវប្បធម៌ ប្រពៃណី និងការចងចាំជាអវិជ្ជមានក្នុងបេះដូងអ្នកស្ដាប់ និងអ្នកទស្សនា។
ដូច្នេះការចូលរួមរបស់សមាគមសិល្បករខ្មែរនាពេលនេះ ជាស្មារតីនៃចូលរួមចំណែកសម្រេចឱ្យបាននូវឆន្ទៈដ៏មុតស្រួចរបស់រាជរដ្ឋាភិបាលអាណត្តិទី៧នេះ ដឹកនាំដោយសម្ដេចមហាបវរធិបតី ហ៊ុន ម៉ាណែត ដែលបានដាក់ចេញនូវវិធានការដ៏ម៉ឺងម៉ាត់ ក្នុងការប្រយុទ្ធប្រឆាំងគ្រឿងញៀន ដើម្បីប្រែក្លាយប្រទេសកម្ពុជាជាប្រទេសស្អាតស្អំ គ្មានការប្រើប្រាស់គ្រឿងញៀន និងជាប្រទេសគំរូមួយឈានមុខគេក្នុងការប្រយុទ្ធប្រឆាំងគ្រឿងញៀន។
ក្នុងឱកាសនោះដែរ ឯកឧត្តមសន្តិបណ្ឌិតឧបនាយករដ្ឋមន្ត្រី នេត សាវឿន បានសម្ដែងនូវការកោតសរសើរ និងវាយតម្លៃខ្ពស់ចំពោះសមាគមសិល្បករខ្មែរ ក៏ដូចជាសិល្បករ សិល្បការិនី ទាំងអស់ក្នុងការចូលរួមក្នុងសកម្មភាពប្រយុទ្ធប្រឆាំងគ្រឿងញៀននៅកម្ពុជា។ ក្នុងនាមរាជរដ្ឋាភិបាល ក៏ដូចជាក្នុងនាមអាជ្ញាធរជាតិប្រយុទ្ធប្រឆាំងគ្រឿងញៀន និងរូបឯកឧត្ដមផ្ទាល់ ពិតជាមានការគាំទ្រទាំងស្រុងនូវរាល់សកម្មភាពរបស់សមាគមសិល្បករខ្មែរ។
ជាពិសេសការចូលរួមក្នុងកិច្ចការជាច្រើនរបស់សង្គមជាតិ ក្នុងនោះក៏មានការងារប្រយុទ្ធប្រឆាំងគ្រឿងញៀនផងដែរ។
ឯកឧត្ដមឧបនាយករដ្ឋមន្ត្រីសង្ឃឹមថា តាមរយៈការចុះអនុស្សារណៈយោគយល់គ្នារវាងអាជ្ញាធរជាតិប្រយុទ្ធប្រឆាំងគ្រឿងញៀន ជាមួយនឹងសមាគមសិល្បករខ្មែរ នារសៀលថ្ងៃទី៧ ខែកក្កដា ឆ្នាំ ២០២៤ នេះ ជាគំរូល្អមួយសម្រាប់ការអនុវត្តជាមួយនឹងស្ថាប័នផ្សេងៗទៀត ដើម្បីចូលរួមសម្រេចឱ្យបាននូវផែនការយុទ្ធរបស់រាជរដ្ឋាភិបាលក្នុងការប្រយុទ្ធប្រឆាំងគ្រឿងញៀន។
ឯកឧត្ដមឧបនាយករដ្ឋមន្ត្រី សូមថ្លែងអំណរគុណដល់សមាគមសិល្បករខ្មែរ ក៏ដូចជាសិល្បករ សិល្បការិនី ទាំងអស់ ដែលបានចូលរួមសហការក្នុងការប្រយុទ្ធប្រឆាំងគ្រឿងញៀននៅកម្ពុជាតាមរយៈសារជារូបភាព ឬសំណេរ ដើម្បីអប់រំផ្សព្វផ្សាយពីផលប៉ះពាល់ និងគ្រោះថ្នាក់នៃគ្រឿងញៀនទៅសាធារណជន ឬអ្នកគាំទ្ររបស់ខ្លួន៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/80abdf8163d27b79c11f373d23c88d73-1024x723.jpg)
![](https://cen.com.kh/wp-content/uploads/2024/07/deb96edaa399cb2fd53b5af57ad3c038-1024x639.jpg)
![](https://cen.com.kh/wp-content/uploads/2024/07/3b8125ad09d6ce326770e564a5f0a9ab-1024x1024.jpg)
![](https://cen.com.kh/wp-content/uploads/2024/07/b1ef90baf74d6427ec34ea547560e489-1024x639.jpg)
![](https://cen.com.kh/wp-content/uploads/2024/07/b7930b33f19babbe0bddb969beadfe97-1024x683.jpg)
![](https://cen.com.kh/wp-content/uploads/2024/07/e4d7af058bf8456065ffead451e655f2-1024x683.jpg)
![](https://cen.com.kh/wp-content/uploads/2024/07/c92a209e7bdfb113c54ded37c749fc75-1024x683.jpg)
![](https://cen.com.kh/wp-content/uploads/2024/07/0431a2af21e805f59ccc00576235ba01-1024x683.jpg)
![](https://cen.com.kh/wp-content/uploads/2024/07/8dd1ac1f761f3897382cbd5a4ecee60b-1024x819.jpg)
![](https://cen.com.kh/wp-content/uploads/2024/07/4cb93f51a4989d7504ed096d1410e020-1024x683.jpg)
![](https://cen.com.kh/wp-content/uploads/2024/07/48f6d7db2e8e0ba63b85cd6c622eade0-1024x819.jpg)
![](https://cen.com.kh/wp-content/uploads/2024/07/a0a2d758e15c2b0d47b3d1c19f91323c-1024x683.jpg)
![](https://cen.com.kh/wp-content/uploads/2024/07/d80b1a876cddde5a2a1eda201764e939-1024x683.jpg)
![](https://cen.com.kh/wp-content/uploads/2024/07/c1c3e27bcf0569bc336a1cf9221482f5-1024x683.jpg)
![](https://cen.com.kh/wp-content/uploads/2024/07/72a00de986b2c8e60d0f90b8d0934a2b-1024x683.jpg)
![](https://cen.com.kh/wp-content/uploads/2024/07/ce5398f3f296d76c5a16f516627d5f6b-1024x683.jpg)
![](https://cen.com.kh/wp-content/uploads/2024/07/54324bbe6144c461131317f653d7fb14-1024x683.jpg)
![](https://cen.com.kh/wp-content/uploads/2024/07/1a3f2f65fc7b3002d8c4cf7834838778-1024x683.jpg)
![](https://cen.com.kh/wp-content/uploads/2024/07/58f68be5112cd16af0341b80f3a15a09-1024x683.jpg)
![](https://cen.com.kh/wp-content/uploads/2024/07/f8f49050ba68bfda8121176db7fc8aeb-1024x683.jpg)