នេះជារឿងដ៏ហួសចិត្ត និងគួរឲ្យអស់សំណើចមែនទែន បន្ទាប់ពីវីដេអូមួយត្រូវបានចែករំលែក បានបង្ហាញឲ្យឃើញបុរសម្នាក់ ជិះម៉ូតូធ្វើសកម្មភាពលួចខោទ្រនាប់គេ ដែលកំពុងហាលនៅមុខផ្ទះ ។
តាមរយៈវីដេអូពីកាមេរ៉ាឃ្លាំមើលបញ្ចេញដោយ Liveleak បានបង្ហាញឲ្យឃើញបុរសម្នាក់ស្ថិតក្នុងសម្លៀកបំពាក់អាវដៃវែងមូរដៃ ស្លៀកខោខូវប៊យពណ៌ខៀវត្រឹមជង្គង់ និងពាក់មូកសុវត្ថិភាព ដែលត្រូវបានគេជឿថាជាជនជាតិវៀតណាម បានកំពុងអង្គុយនៅលើម៉ូតូឈប់អែបចិញ្ចើមផ្លូវមុខផ្ទះគេ ដែលធ្វើឲ្យអ្នកទស្សនាមានការងឿងឆ្ងល់ថាតើគាត់នឹងរង់ចាំធ្វើសកម្មភាពអ្វី? នៅក្នុងវីដេអូ ។
នៅទីបំផុត បុរសរូបនេះបានធ្វើឲ្យគ្រប់គ្នាភ្ញាក់ផ្អើល និងពុំនឹកស្មានថាគាត់ជាចោរអំបុកអំបែងសោះ បន្ទាប់ពីគាត់បានក្រឡេកឆ្វេងស្តាំ និងឃើញឱកាសល្អ ចុះលួចខោទ្រនាប់របស់គេមួយដែលកំពុងដាក់ហាល យកទៅដោយសុវត្ថិភាព ៕ ចន្ទី
