ប៉ូលីសនៅក្នុង New Jersey បានជួយសង្គ្រោះគូស្វាមីភរិយា១គូ ដែលបានត្រូវជាប់គាំង ខណៈរថយន្តដំណើរកម្សាន្តនៃអាពាហ៍ពិពាហ៍របស់ពួកគេ បានរងការវាយប្រហារដោយទឹកជំនន់ដែលបានកើនឡើងយ៉ាងខ្លាំងក្លា នៅលើដងផ្លូវ ។
មន្ត្រីប៉ូលីស Bogota ម្នាក់ ត្រូវបានឃើញស្ថិតនៅក្នុងកន្លែងកើតហេតុ ដើម្បីសង្គ្រោះកូនក្រមុំចេញពីតាមដំបូលរថយន្តដោយសុវត្ថិភាព ។ ចំណែកកូនកំលោះ និងអ្នកកំដរប្រុសស្រីដទៃទៀត ក៏ត្រូវបានជួយសង្រោះជាបន្តបន្ទាប់ផងដែរ ។
នាយកដ្ឋានប៉ូលីសបានផ្ញើសារជូនពរ តាមរយៈទំពរហ្វេសប៊ុករបស់ខ្លួន ទៅដល់គូស្វាមីភរិយានោះផងដែរ បន្ទាប់ពីប្រតិបត្តិការសង្គ្រោះពួកគេ ត្រូវបានចែករំលែកនៅលើអ៊ីនធើរណេត ។
ព្យុះភ្លៀងដ៏ធ្ងន់ធ្ងរបានបក់បោកលើតំបន់ ដោយបានទម្លាក់គ្រប់ភ្លៀងទំហំជិត ៥ អ៊ីង (ប្រហែល ១០ សង់ទីម៉ែត្រ) ។ ទឹកជំនន់កើនឡើង នៅជិត Little Falls, NJ, បានអូសនាំយករថយន្ត ១២ គ្រឿង ចូលទៅក្នុងទន្លេ ៕ ឧត្តម (ប្រភព៖ CNN)
