ខេត្តកំពង់ចាម: លោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម លោកជំទាវ ញូង ចរិយា អ៊ុន ចាន់ដា ប្រធានកិត្តិយសសាខាសមាគមន៍ នារីកម្ពុជាខេត្ត និងលោក ខ្លូត ផន ប្រធានក្រុមប្រឹក្សាខេត្ត បានអញ្ជើញជាគណៈអធិបតីក្នុងកិច្ចប្រជុំបូកសរុបលទ្ធផលការងារ ឆមាសទី១ ឆ្នាំ២០២៤ និងលើកទិសដៅអនុវត្តបន្ត របស់សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម ដោយធ្វើឡើងនៅព្រឹកថ្ងៃទី១៩កក្កដា ឆ្នាំ២០២៤ ដែលធ្វើឡើងនៅសាលាខេត្តកំពង់ចាមដោយមានអ្នកចូលរួមរាប់រយនាក់។
លោក អ៊ុន ចាន់ដា អភិបាលខេត្តកំពង់ចាម បានលើកឡើងថា: រាជរដ្ឋាភិបាលនីតិកាលទី៧ នៃរដ្ឋសភា ដឹកនាំដោយសម្តេចបវធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានដាក់ចេញកម្មវិធីគោលនយោបាយអាទិភាពចំនួន ៦ចំណុច ដើម្បីឆ្លើយតបបន្ទាន់ទៅ នឹងបញ្ហាជីវភាព និងសុខភាព របស់ប្រជាពលរដ្ឋ ជាពិសេសពលរដ្ឋក្រីក្រ និងងាយរងគ្រោះ។ជាមួយនោះក៏បានជំរុញដល់សមាជិការសខាសមាគម ឱ្យជួយចូលរួមផ្សព្វផ្សាយនូវកម្មវិធីគោលនយោបាយអាទិភាព ចំនួន ៦ចំណុច របស់រាជរដ្ឋាភិបាលក្នុងការឆ្លើយតបបន្ទាន់ទៅនឹងបញ្ហាជីវភាព និងសុខភាព របស់ប្រជាពលរដ្ឋត្រូវយកចិត្តទុកដាក់ជាមួយពួកគាត់ធ្វើយ៉ាងណាឲ្យបានល្អប្រសើរ។
លោកអភិបាលខេត្ត បានបញ្ជាក់អំពីកម្មវិធីគោលនយោបាយអាទិភាពចំនួន ៦ចំណុចរួមមាន ១- ការពង្រីកសេវាថែទាំសុខភាព ២-ការបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់ យុវជនមកពី គ្រួសារ ក្រីក្រ និងគ្រួសារងាយរងហានិភ័យ ៣-ការធ្វើស្ថាបនូបនីយកម្មកម្មវិធីជាតិ ជំនួយសង្គម ៤-ការដាក់ចេញ និងការជំរុញ អនុវត្តយុទ្ធសាស្ត្រអភិវឌ្ឍសេដ្ឋកិច្ចក្រៅប្រព័ន្ធ ៥-ការ ដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម រក ទីផ្សារ និងរក្សាលំនឹង ថ្លៃកសិផលសំខាន់ៗ ក្នុងកម្រិតសមរម្យ ៦-ការដាក់ពង្រាយមន្ត្រីបច្ចេកទេស កសិកម្មទៅគ្រប់ឃុំ-សង្កាត់ ដែលមានសកម្មភាព កសិកម្ម នៅទូទាំងប្រទេស និងការរៀបចំឱ្យ មានសមាគមកសិករនៅតាមទីជនបទផងដែរ ។
ជាមួយគ្នានោះលោក អ៊ុន ចាន់ដា អភិបាលខេត្តកំពង់ចាម ក៏បានថ្លែងនូវការកោតសរសើរ និង វាយតម្លៃខ្ពស់ ចំពោះ កិច្ចខិតខំប្រឹងប្រែង យកអស់ពីកម្លាំងកាយ-ចិត្ត និងស្មារតី របស់លោកជំទាវ លោកស្រី ជាថ្នាក់ដឹកនាំ និងសមាជិកាសមាគមនារីកម្ពុជា និងក្រុមចលនាស្តី គ្រប់លំដាប់ថ្នាក់ ក្នុង ខេត្តកំពង់ចាម ដែលសហការ សាមគ្គីគ្នាបានល្អប្រសើរ មិនរួញរា ក្នុងការបំពេញការងារតាមតួនាទី រៀងៗខ្លួន ដែលកើតចេញជាស្នាដៃ គួរជាទីមោទនៈ ខណៈពេលដែលរាជរដ្ឋាភិបាលកម្ពុជាបាន ដាក់ចេញនូវគោលការណ៍លើកកម្ពស់ស្ត្រី ជាបន្តបន្ទាប់នោះ ៕ រក្សាសិទ្ធដោយ ៖ ភ្នំប្រុសភ្នំស្រី
![](https://cen.com.kh/wp-content/uploads/2024/07/9ef9c42fc9e8ee42a5981a4ca947eebf-1024x673.jpg)
![](https://cen.com.kh/wp-content/uploads/2024/07/cd8a50f65239bc712a87ecd394798e91-1024x664.jpg)
![](https://cen.com.kh/wp-content/uploads/2024/07/c8a7302f0378039caf5e46866588e350-1024x682.jpg)
![](https://cen.com.kh/wp-content/uploads/2024/07/e4ad93325206593c63185a263bfca47f-1024x682.jpg)
![](https://cen.com.kh/wp-content/uploads/2024/07/c47abeb673fd8b62860308487d4f314d-1024x682.jpg)
![](https://cen.com.kh/wp-content/uploads/2024/07/a82f847201f7ee5d3dbdca4b341afd9f-1024x682.jpg)
![](https://cen.com.kh/wp-content/uploads/2024/07/65606b8b89fcd9d72dbb3cea9f37267e-1024x682.jpg)
![](https://cen.com.kh/wp-content/uploads/2024/07/1a4e20f7d9234ebd95caff79e1d65029-1024x682.jpg)
![](https://cen.com.kh/wp-content/uploads/2024/07/aa03bd829bb457a5e6cd6496dd6990d2-1024x682.jpg)
![](https://cen.com.kh/wp-content/uploads/2024/07/e0c1b26ecfa342c1250220ea558b5c03-1024x617.jpg)
![](https://cen.com.kh/wp-content/uploads/2024/07/d4a3bcebf70da36f39b0bffaf536cd4c-1024x661.jpg)
![](https://cen.com.kh/wp-content/uploads/2024/07/73069ab2c888c7ab7dadf5cbe7ae52ce-1024x666.jpg)
![](https://cen.com.kh/wp-content/uploads/2024/07/de6e394d5f3f3929f9f3f04fe677b80c-1024x682.jpg)