ភ្នំពេញ៖ ស្ថានទូតបារាំងប្រចាំកម្ពុជា នៅថ្ងៃទី២៤ខែកក្កដាឆ្នាំ២០២៤ នេះ បានឲ្យដឹងថា កិច្ចប្រជុំលើកដំបូងស្តីពីការការពារមហាសមុទ្រ និងជីវៈចម្រុះក្នុងសមុទ្ររបស់កម្ពុជា ត្រូវបានរៀបចំឡើងនៅក្រុងព្រះសីហនុ ដែលជាការត្រៀមសម្រាប់សន្និសីទអង្គការសហប្រជាជាតិស្តីពីមហាសមុទ្រលើកទី៣ (#UNOC3) គ្រោងធ្វើនៅទីក្រុងនីស ប្រទេសបារាំង នៅខែមិថុនា ឆ្នាំ២០២៥។
ប្រកាសបើកដោយលោក Jacques Pellet ឯកអគ្គរដ្ឋទូតបារាំង ពិធីនេះមានការអញ្ជើញចូលរួមពីឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន ឯកឧត្តម ឡុង ឌីម៉ង់ អភិបាលរងខេត្តព្រះសីហនុ លោក Jean-Pierre Marcelli នាយកទីភ្នាក់ងារបារាំង AFD ប្រចាំភូមិភាគអាស៊ីអាគ្នេយ៍ ព្រមទាំងតំណាងមកពីក្រសួង អង្គការក្រៅរដ្ឋាភិបាល គណៈប្រតិភូសហភាពអឺរ៉ុប ទីភ្នាក់ងារអង្គការសហប្រជាជាតិ និងវិស័យឯកជន ដើម្បីពិភាក្សាគ្នាអំពីបញ្ហាប្រឈមនៃសេដ្ឋកិច្ចពណ៌ខៀវ អេកូទេសចរណ៍ ពាណិជ្ជកម្មតាមសមុទ្រ និងកសិកម្មប្រកបដោយការទទួលខុសត្រូវ។
រៀបចំដោយស្ថានទូតបារាំង ក្នុងភាពជាដៃគូជាមួយ AFD ព្រឹត្តិការណ៍នេះមានគោលបំណងកៀរគរភាគីពាក់ព័ន្ធទាំងអស់ដើម្បីបង្កើតភាពអំណោយផលដល់ការចរចាអន្តរជាតិ និងបង្កើតបណ្តាញតួអង្គពាក់ព័ន្ធនៅកម្ពុជា ដើម្បីអភិវឌ្ឍគម្រោងថ្មីៗពាក់ព័ន្ធមហាសមុទ្រ។ គោលបំណងចុងក្រោយ គឺបង្កើនមហិច្ឆតា និងកិច្ចខិតខំប្រឹងប្រែងរួម ដើម្បីការពារមហាសមុទ្រ ត្រឹមខែមិថុនា ឆ្នាំ២០២៥៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/2bcb3fb5dff6738e789b004d077a1565-1024x768.jpg)
![](https://cen.com.kh/wp-content/uploads/2024/07/b170f53cf031bf7d55382c8b1430e658-1024x768.jpg)
![](https://cen.com.kh/wp-content/uploads/2024/07/d38efff4785cc999370820460250bf16-1024x768.jpg)
![](https://cen.com.kh/wp-content/uploads/2024/07/e902e54c15dc47ee9c796d362f22e9a0-1024x768.jpg)
![](https://cen.com.kh/wp-content/uploads/2024/07/6762a7a2a2d8f8c1e642948af3d314b8.jpg)
![](https://cen.com.kh/wp-content/uploads/2024/07/eb8c89580034ec161ab7254f827f1ec4-1024x576.jpeg)
![](https://cen.com.kh/wp-content/uploads/2024/07/844c0f08571608b513d674b1f1203769.jpg)
![](https://cen.com.kh/wp-content/uploads/2024/07/eeda99becf400cdeeab0ad3a9ddbad36.jpg)
![](https://cen.com.kh/wp-content/uploads/2024/07/1dce712fa13ff2c962ae55a6aa1c806f.jpg)
![](https://cen.com.kh/wp-content/uploads/2024/07/4af52202f77beb11ba59ce2056aa7878-2.jpg)