ក្មេងប្រុសម្នាក់ឈ្មោះ Torataro ជាងអ្នកវាយស្គរអកកេះដ៏ចំណានវ័យ ៦ ឆ្នាំ មកពីប្រទេសជប៉ុន ថ្មីៗនេះ បានបរិច្ចាគចំណូល YouTube របស់គាត់ទាំងអស់រហូតទល់ពេលនេះ ដល់ប្រជាជនដែលបានរងផលប៉ះពាល់ដោយធ្លាក់ធ្លាក់យ៉ាងធ្ងន់ធ្ងរ ដែលបានវាយប្រហារមកលើតំបន់ភាគខាងជើងប្រទេសជប៉ុន កាលពីខែមុន ។
ដៃស្គតូចនេះបានប្រកាសថា រូបគេនឹងបរិច្ចាគប្រាក់ចំណូលទាំងអស់ពីវីដេអូ YouTube ជូនដល់អ្នកដែលបានរងគ្រោះដោយអាកាសធាតុដ៏អាក្រក់នៅក្នុងវីដេអូមួយ ដែលបានបង្ហាញឲ្យឃើញរូបគេវាយស្គរដ៏អស្ចារ្យក្នុងបទចម្រៀង «Baby Shark» ក្នុងល្បឿន 2x កាលពីថ្ងៃទី១៥ ខែកក្កដា កន្លងទៅនេះ ។
ប្អូនប្រុសតូច Torataro បាននិយាយនៅក្នុងវីដេអូថា៖ «ជំរាបសួរអ្នកទាំងអស់គ្នានៅក្នុងពិភពលោក ។ ឈ្មោះរបស់ខ្ញុំគឺ Torataro ហើយខ្ញុំជាអ្នកវាយស្គរនៃក្រុមភ្លើង ‘Baby Shark’ ។ ខ្ញុំមានអាយុ ៦ ឆ្នាំ» ។
Torataro បន្តថា៖ «ពេលនេះ ទីក្រុង Hiroshima ជាទីកន្លែងដែលកំពុងរស់នៅ និងតំបន់ជុំវិញ បានទទួលរងការខូចខាតយ៉ាងធ្ងន់ធ្ងរ ដោយគ្រោះធម្មជាតិភ្លៀងធ្លាក់ដ៏ខ្លាំងក្លា ។ សម្រាប់រូបខ្ញុំ និងក្រុមគ្រួសាររបស់ខ្ញុំមានសុវត្ថិភាព ប៉ុន្តែ មានមនុស្សរស់នៅជុំវិញកំពុងត្រូវការជំនួយបន្ទាន់ ។ គេហទំព័រនេះតំណាងឲ្យលុយរបស់ខ្ញុំ ហេតុនេះ ខ្ញុំបានសម្រេចចិត្តបរិច្ចាគលុយទាំងអស់របស់ខ្ញុំពីចំណូល YouTube ដែលរកបានរហូតមកដល់ពេលនេះ ជូនដល់ពួកគាត់ហើយ» ។
វីដេអូចុងក្រោយបង្អស់របស់ Torataro ដែលក្នុងនោះ គាត់បានសម្តែងក្នុងកម្មវិធីប្រគុំតន្ត្រីនៅមតេ្តយ្យសាលាមួយ បានរីករាលដាលនៅលើ Twitter ដោយមានអ្នកចូលទស្សនាជាង ៣.២៦ លាននាក់ ។ វីដេអូនេះក៏ត្រូវបានផុសឡើងវិញជាង ៤៦,០០០ ដង និងទទួលបានចំនួនអ្នក Like ជាង ១៤០,០០០ នាក់ឯណោះ ។
យោងតាម SoralNews24 ដៃស្គរដ៏ចំណានក្មេងខ្ចីរូបនេះ បានចាប់ផ្តើមលេងឧបករណ៍តន្ត្រីប្រភេទនេះ នៅពេលរូបគេមានអាយុទើបបាន ៣ ឆ្នាំ មកម្លេះ ៕ ឧត្តម (nextshark)
ほいくえんで ドラム たたいたよ。 pic.twitter.com/IWDplgD4hW
— 6歳ドラマー「とらたろう」 (@dr_tora_) August 11, 2018
被災地で朝からボランティア活動。
募金おねがいします。https://t.co/zA5N5l3I0j pic.twitter.com/Lb2RLXOK1B— 6歳ドラマー「とらたろう」 (@dr_tora_) July 27, 2018