មនុស្សយើងតែងមានចំណង់ចំណូលចិត្តខុសៗគ្នា ហើយចំណង់ចំណូលចិត្តទាំងនោះអាចមានដូចជា ការស្លៀកពាក់ ចំណីអាហារ និងរបស់ផឹកជាដើម។
ប៉ុន្តែ អ្នកធ្លាប់គិតទេថា សត្វក៏វាមានរបស់ចូលចិត្តរៀងៗខ្លួនផងដែរ? ជាការពិតណាស់ សត្វក៏មាន របស់ដែលពួកវាចូលចិត្តផឹកដែរ ដូចជាសត្វមាន់ឈ្មោលមួយក្បាលនេះអញ្ជឹង។ របស់ដែលវាចូលចិត្តផឹក ប្រាកដជាខុសប្លែកទាំងស្រុងពីរបស់ដែលសត្វមាន់ដទៃចូលចិត្ត នោះគឺវាចូលចិត្តផឹកស្រាបៀរ។
ក្នុងវីដេអូ មានបុរសម្នាក់កំពុងអោបមាន់នៅខាងឆ្វេងដៃរបស់គាត់ ហើយមាន់នោះខុសប្លែកពីមានផ្សេងៗទៀតដោយសារវា ចូលចិត្តផឹកស្រាបៀរ។ នៅពេលបុរសនោះដាក់ទឹកនៅកែវឲ្យវាផឹក វាមិនព្រមផឹកនោះទេ តែនៅពេលដាក់ស្រាបៀរវិញ ទើបវាផឹក ធ្វើឲ្យអ្នកគ្រប់គ្នាអស់សំណើច នឹងចំណូលចិត្តរបស់មាន់នោះ៕ សុភ័ក្ត្រ
ប្រភព៖ Trends Zilla
