ត្បូងឃ្មុំ ៖ កម្លាំងជំនាញនគរបាលយុត្តិធម៌ នៃអធិការដ្ឋានគរបាលស្រុកមេមត់ ចុះអនុវត្តដីកាបង្គាប់ឲ្យចាប់ខ្លួន ពាក់ព័ន្ធករណីលួចមានស្ថានទម្ងន់ទោស នៅថ្ងៃទី ១៥ ខែ សីហា ឆ្នាំ ២០១៧ វេលាម៉ោង ១៦ និង ៣០ នាទី នៅចំណុចភូមិដូង ឃុំជាំក្រវៀន ស្រុកមេមត់ ខេត្តត្បូងឃ្មុំ។
កម្លាំងជំនាញផ្នែកយុត្តិធម៌ សហការជាមួយកម្លាំងប៉ុស្តិ៍នគរបាលរដ្ឋបាលជាំក្រវៀន ដែលដឹកនាំដោយលោកអនុសេនីយ៍ឯក ចាន់ ឌុល អធិការរងទទួលផែនយុត្តិធម៌ និងលោកអនុសេនីយ៍ឯក បេង ឬទ្ធី នាយប៉ុស្តិ៍នគរបាលជាំក្រវៀន បានចុះអនុវត្តដីកាលេខ ៧១ ចុះថ្ងៃទី ០៤ ខែ មិថុនា ឆ្នាំ ២០១៨ របស់លោកស្រី នូ ច័ន្ទសុគន្ទា ចៅក្រមស៊ើបសួរនៃសាលាដំបូងខេត្តត្បូងឃ្មុំ បង្គាប់ចាប់ខ្លួនឈ្មោះ ខាត់ ឆាយ ភេទប្រុស អាយុ ២៩ ឆ្នាំ ជាតិខ្មែរ មានទីលំនៅភូមិ.ឃុំខាងលើ ត្រូវចោទប្រកាន់ពីបទ ៖ លួចមានស្ថានទម្ងនើទោស ដែលប្រព្រឹត្តនៅភូមិដារផ្សសរ ឃុំដារ ស្រុកមេមត់ ខេត្តត្បូងឃ្មុំ កាលពីថ្ងៃទី ១២ ខែ កុម្ភៈ ឆ្នាំ ២០១៨ បទល្មើសដែលមានបញ្ញតិ្តឲ្យផ្តន្ទាទោសតាមមាត្រា ៣៥៣ និងមាត្រា ៣៥៧ នៃក្រមព្រហ្មទ័ណ្ឌ ។
ខណៈពេលកម្លាំងជំនាញយើងបានចុះអនុវត្តដីកាបង្គាប់ឲ្យចាប់ខ្លួនជនល្មើសឈ្មោះ ខាត់ ឆាយ ភេទប្រុស យល់ព្រមប្រគល់ខ្លួនតាមសម្រួល ដោយមិនមានប្រតិកម្មអ្វីមួយមកលើសមត្ថកិច្ចយើងឡើយ ។ បច្ចុប្បន្នជំនាញយើងបានកសាងសំណុំរឿង ដើម្បីបញ្ជូនខ្លួនជនល្មើសខាងលើទៅឲ្យសាលាដំបូងខេត្តត្បូងឃ្មុំ ផ្តន្ទាទោសតាមនីតិវិធីច្បាប់៕ ដោយ ៖ បញ្ញាស័ក្តិ
