រថយន្តក្រុង១គ្រឿងដឹកមនុស្សមកពីធ្វើបុណ្យនៅវត្តលោកឪសួង ដាច់ហ្វ្រាំងក្រឡាប់ធ្លាក់ជ្រោះ បណ្តាលឱ្យស្លាប់ ១នាក់ របួសធ្ងន់ ស្រាល ២៩ នាក់

ឧត្ដរមានជ័យ ៖ នៅថ្ងៃទី៤ ខែសីហា ឆ្នាំ២០២៤ វេលាម៉ោង ១៦៖៥០ នាទី​ មានករណីគ្រោះថ្នាក់ចរាចរណ៍រថយន្តក្រុងចំនួន១គ្រឿង បង្កឡើងដោយខ្លួនឯង លើកំណាត់ផ្លូវជាតិលេខ៦៧B ចំណុចផ្លូវឡើងភ្នំចំរាក់ទី១ ស្ថិតក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ​ មកពីធ្វើបុណ្យនៅវត្តលោកឪសួង ចុះពីភ្នំដាច់ហ្វ្រាំងក្រឡាប់ធ្លាក់ជ្រោះ ក្រោយទទួលបានព័ត៌មានភ្លាម លោកឧត្តមសេនីយ៍ទោ ខូវ លី ស្នងការនគរបាលខេត្តឧត្ដរមានជ័យ បានដឹកនាំកម្លាំងចុះជួយអន្តរាគមន៍ សង្គ្រោះផ្ទាល់ និងបញ្ជូនអ្នករបួសទៅមន្ទីរពេទ្យ ។

សូមបញ្ជាក់ ៖ អ្នកជិះលើរថយន្តសរុប ៣០ នាក់ ស្រី ២៥ នាក់ ក្នុងនោះក្មេង ២នាក់ ប្រុស បណ្តាលឱ្យ ស្លាប់ ១នាក់ ស្រី របួសធ្ងន់ ៦នាក់ ស្រី ៥នាក់ របួសស្រាល ២៣ ស្រី ១៩នាក់ ( ក្មេង ២នាក់ ប្រុស និង ខូចរថយន្ដ​ ០១ គ្រឿង​ ៕ រក្សាសិទ្ធដោយ ៖ សុទ្ធលី