សុនកដ៏ក្លាហាន២ក្បាល បានប្រថុយជីវិតបណ្តេញខ្លាដ៏ធំមួយក្បាល ដែលកំពុងក្រវែលចូលកៀកមនុស្សចាស់ និងក្មេងៗនៅភូមិតូចមួយនាប្រទេសឥណ្ឌា ។
ខ្លា១ក្បាលនេះ បានហែលឆ្លងទន្លេដើម្បីចូលភូមិរក…រកអាហារ ។
កាសែត Daily Mail របស់អង់គ្លេស ចុះផ្សាយឲ្យដឹងថា ខ្លាធំ១ក្បាលបានហែលឆ្លងទន្លេចូលមកភូមិ Katarnia (ឥណ្ឌា) ជិតព្រំប្រទល់ប្រទេសនេប៉ាល់ កាលពីថ្ងៃទី ៨ ខែសីហា កន្លងមក ។
ពលរដ្ឋក្នុងភូមិបានយកទូរស័ព្ទថតរូបភាពខ្លានេះ ។
ប្រភពដដែលឲ្យដឹងថា អ្នកភូមិនិងក្មេងៗភ័យស្លន់ស្លោរ នាំគ្នារត់ពេលឃើញស្តេចពិឃាតមួយនេះ ។ សំណាងល្អមែនទែន ដែល “អ្នកក្លាហាន” -សុនក២ក្បាល បានរត់សំដៅខ្លានោះ ហើយស្រែកព្រូសគំរាមខ្លាំងៗ ។
ចុងក្រោយស្តេចពិឃាតនេះបានសុខចិត្តបោះបង់ចំណី រួចគេចខ្លួនចេញទៅ ៕ លីសា