ភ្នំពេញ៖ គណៈគ្រប់គ្រង សាស្ត្រាចារ្យ បុគ្គលិក និស្សិត នៅសាកលវិទ្យាល័យអាមេរិកាំងភ្នំពេញ (AUPP) សូមជូនពរប្អូនៗសិស្សថ្នាក់ទី ១២ ទាំងអស់ឱ្យប្រឡងជាប់និងទទួលបាននិទ្ទេសល្អពីការប្រឡងសញ្ញាបត្រមធ្យមសិក្សាទុតិយភូមិខាងមុខ។ យើងដឹងហើយថាអ្នកទាំងអស់បានខិតខំប្រឹងប្រែងរៀនសូត្រ ដើម្បីត្រៀមខ្លួនជាស្រេចចូលរួមក្នុងការប្រឡងដ៏មានសារសំខាន់នេះ។ សូមក្មួយៗទាំងអស់គ្នាសម្រាកឱ្យបានគ្រប់គ្រាន់ និងពង្រឹងស្មារតីដើម្បីកាត់បន្ថយភាពតានតឹង។ ចូរក្មួយៗត្រូវចងចាំថា ការចូលរួមក្នុងការប្រឡងដ៏សំខាន់បំផុតនេះ ក្មួយៗបាននបង្ហាញនូវភាពមានវិន័យលើខ្លួនឯង ការលើកទឹកចិត្ត និងការតស៊ូ ដើម្បីទទួលបានជោគ ជ័យក្នុងជិវិត។ អ្នកគ្រប់គ្នានៅសាកលវិទ្យាល័យ AUPP សូមចូលរួមត្រកអរជាមួយក្មួយៗ។
សាកលវិទ្យាល័យ AUPP ជាគ្រឹះស្ថានឧត្តមសិក្សាតែមួយគត់នៅកម្ពុជាដែលបានបើកបង្រៀនកម្មវិធីសិក្សាសញ្ញាបត្រពីរ (Dual Degree) ដែលមានការទទួលស្គាល់ជាសាកល។ AUPP ផ្តល់នូវកម្មវិធីសិក្សាអាមេរិកាំង ដែលចាក់ឬសជ្រៅក្នុងប្រពៃណីវប្បធម៌ខ្មែរ។ យើងបានប្តេជ្ញាចិត្តក្នុងការបង្កើនចំណេះដឹងរបស់និស្សិត ដើម្បីនាំពួកគាត់ទៅកាន់អាជីពការងារដែលជោគជ័យបំផុត។
សាស្ត្រចារ្យនៅ AUPP មានសញ្ញាបត្របណ្ឌិតពីសហរដ្ឋអាមេរិក និងអឺរ៉ុប ដែលមានជំនាញ និងបទពិសោធន៍បង្រៀននិងការស្រាវ ជ្រាវជាច្រើនឆ្នាំ។ ពួកគាត់បានកំពុងតែប្រើប្រាស់វិធីសាស្ត្របង្រៀននិងបច្ចេកវិទ្យាទំនើបៗក្នុងការបង្រៀន ដើម្បីផ្ទេរចំណេះដឹងដល់និស្សិតដូចជាការសិក្សានៅសហរដ្ឋអាមេរិកដែរ។ សាកលវិទ្យាល័យដែគូរបស់ AUPP រួមមានសាកលវិទ្យាល័យអារីហ្សូណា និងសាកលវិទ្យាល័យរដ្ឋហ្វតហេស៍។ សាស្ត្រាចារ្យមកពីសាកលវិទ្យាល័យទាំងពីរនេះត្រូវបញ្ជូនមកបង្រៀននិស្សិតដោយផ្ទាល់នៅ AUPP។ និស្សិតនឹងទទួលបានសញ្ញាបត្រពីរ (២) ក្នុងពេលតែមួយក្រោយ ពេលនិស្សិតបញ្ចប់កម្មវិធីសញ្ញាបត្រពីរនេះដោយជោគជ័យនៅ AUPP។
AUPP បញ្ជូននិស្សិតទៅចុះកម្មសិក្សាទាំងក្នុងស្រុក តំបន់ និងអន្តរជាតិ ដើម្បីផ្តល់ឱកាសឱ្យពួកគាត់បានអនុវត្តក្នុងបរិយាកាសការងារជាក់ស្តែង ដើម្បីត្រៀមខ្លួនជាស្រេចក្នុងអាជីពការងារ។ ក្នុងរយៈពេលពីរឆ្នាំចុងក្រោយនេះ និស្សិត AUPP បានចុះកម្មសិក្សានៅទីក្រុងញូវយ៉ក ប៉ារីស សិង្ហបុរី ចាកាតា និងតាមបណ្តាស្ថាប័ន អង្គការក្រៅរដ្ឋាភិបាល និងស្ថាប័នរដ្ឋាភិបាលធំៗ។ AUPP ក៏លើកទឹកចិត្តឱ្យនិស្សិតចូលរួមយ៉ាងសកម្មក្នុងសកម្មភាពសង្គម និងការបង្រៀនស្មគ្រចិត្តផ្សេងៗ។ AUPP ក៏បានរៀបចំដំណើរទស្សនកិច្ចសិក្សាជាច្រើនទៅកាន់តំបន់ប្រវត្តិសាស្ត្រនិងវប្បធម៌ខ្មែរ ដែលដឹកនាំដោយសាស្ត្រាចារ្យបង្រៀនតាមជំនាញរួមមាន៖ វិទ្យាសាស្ត្រ ច្បាប់ ស្ថាបត្យកម្ម ប្រវិត្តិសាស្ត្រ សិល្បៈ និងជំនាញផ្សេងៗទៀត។
និស្សិតដែលបានបញ្ចប់ការសិក្សានៅ AUPP ត្រូវបានទទួលឱ្យចូលរៀនបន្តសម្រាប់ថ្នាក់បរិញ្ញាបត្រជាន់ខ្ពស់ (អនុបណ្ឌិត) និងបណ្ឌិត ពីសាកលវិទ្យាល័យល្បីៗនៅសហរដ្ឋអាមេរិក។ និស្សិតជ័យលាភីផ្សេងៗទៀតទទួលបានជោគជ័ក្នុងការប្រកបរបរអាជិវកម្ម បម្រើក្នុងស្ថាប័នរដ្ឋាភិបាល នោងអង្គការក្រៅរដ្ឋាភិបាលផ្សេងៗ។
ក្នុងនាមជាគ្រឹះឧត្តមសិក្សាដែលឈានមុខគេនៅកម្ពុជា AUPP បើកបង្រៀនកម្មវិធីសិក្សាសញ្ញាបត្រពីរ (Dual Degree) ដែលមានការទទួលស្គាល់ជាសាកល ដែលបណ្តុះបណ្តាលនិស្សិតឱ្យទទួលបានចំណេះដឹងពិតៗប្រកបដោយគុណភាពខ្ពស់បំផុត ដើម្បីឱ្យពួគគាត់មានលក្ខណៈសម្បត្តិគ្រប់គ្រាន់ក្នុងដោះស្រាយបញ្ហា ការធ្វើការជាក្រុម ការទំនាក់ទំនង និងភាពជាអ្នកដឹកនាំ សម្រាប់តម្រូវ ការក្នុងទីផ្សារការងារសាកល៕ ដោយ ៖ កូឡាប
