ក្រុងបាត់ដំបង៖ កាលពីថ្ងៃទី០៧ដល់ថ្ងៃទី១១ខែកញ្ញាឆ្នាំ២០២៤ក្រោមការដឹកនាំរបស់លោកឧត្តមសេនីយ៍ទោ ដាញ់អេងប៊ុន ចាន់ ស្នង ការនៃស្នងការដ្ឋាននគរបាលខេត្តបាត់ដំបង ផែនការងារប្រឆាំងគ្រឿងញៀនដែលមានលោកវរសេនីយ៍ឯក សុខ និមល ស្នងការរងជាប្រធានផែនបានធ្វេីការបង្រ្កាបករណីជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើស ជាក់ស្តែង និងឃាត់ខ្លួនជនសង្ស័យបានជាបន្តបន្ទាប់ចំនួន ០៤នាក់ភេទប្រុស នាំមកធ្វើការសាកសួរនិងដកហូតបាន៖ -ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ១១ថង់ ទម្ងន់ ៥៥៧,២៩ក្រាម (ថ្នាំសុទ្ធ) និងថ្នាំញៀមប្រភេទមេតំហ្វេតាម៉ីន យ៉ាម៉ាWYទម្ងន់០,២៥ក្រាម។ -ទូរស័ព្ទដៃចំនួន ០២គ្រឿង (ចាស់)។ -ជញ្ជីងសម្រាប់ថ្លឹងថ្នាំញៀនចំនួន ០១គ្រឿង ។-ម៉ូតូចំនួន ០១គ្រឿង ម៉ាកហុងដាឌ្រីម ។
ជនសង័្សយទាំង០៤នាក់រួមមាន៖១-ឈ្មោះ វឿន បូរី ភេទប្រុស អា យុ៣៧ឆ្នាំ មានទីលំនៅភូមិអូរតាគាំ២ សង្កាត់ទួលតាឯកក្រុងបាត់ដំបង ខេត្តបាត់ដំបង ។២-ឈ្មោះ ឌុង ចំរើន ហៅ ង៉ោល ភេទប្រុស អាយុ៣៣ឆ្នាំ មានទីលំនៅភូមិអណ្តូងព្រីង សង្កាត់អូរម៉ាល់ ក្រុងបាត់ដំបង ខេត្តបាត់ ដំបង។៣-ឈ្មោះ គង រស្មី ភេទប្រុស អាយុ២៨ឆ្នាំ មានទីលំនៅភូមិគោក ពន្លៃ សង្កាត់អូរម៉ាល់ ក្រុងបាត់ដំបង ខេត្តបាត់ដំបង ។៤-ឈ្មោះ ផាត់ តារ៉ាក់ផនហៅបូរ យ៉ត ភេទប្រុសអាយុ៣៦ឆ្នាំ(ជនជាតិថៃ)។
ករណីនេះសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តបាត់ដំបង អនុវត្តតាមផ្លូវច្បាប់៕ រក្សាសិទ្ធដោយ ៖សុទ្ធលី
