ធម្មតាសាច់ដែលអ្នកបង្កកទុកក្នុងទូរទឹកកក វានឹងរឹងដូចដុំទឹកកក ហើយមិនងាយរលាយមកសភាពដើមភ្លាមៗបានទេ ។
ប្រិយមិត្តភាគច្រើនតែងយកវាមកដាក់ត្រាំទឹកបែបនេះ វាមិនត្រឹមរលាយយឺត ថែមទាំងបាត់បង់ក្លិន គុណភាពរបស់សាច់ទៀត ។ ខាងក្រោមជាវិធីមួយជួយប្រិយមិត្តបញ្ចៀសបានគុណវិបត្តិខាងលើ ។
ពិតណាស់បើអ្នកមានពេលនោះ គឺទុកវាឲ្យរលាយធាតុកកត្រជាក់សន្សឹមៗតាមធម្មតា ពិតជាល្អ ។ ការធ្វើឲ្យសាច់ប្រែប្រួលសីតុណ្ហភាពលឿនតាមអ្នកជំនាញការនោះវាធ្វើឲ្យសាច់បាត់បង់សារធាតុបំប៉នមួយចំនួន ។
ការរលាយបង្កកដោយទឹកត្រជាក់ អាចធ្វើទៅបានលុះត្រាសាច់ទាំងនោះត្រូវបានវេចខ្ចប់ជិតដោយថង់នីឡុង ។
ពុំនោះសោតមានវិធីម្យ៉ាងអាចជួយអ្នកដោយតម្រូវមានឆ្នាំងធ្វើពីអាលុយមីញ៉ូម ឬអ៊ីណុក ឬឆ្នាំងអ៊ីណុក ដែលមានបាតស្មើនឹងទម្រដាក់អាហារធ្វើពីអ៊ីណុកមួយក៏បាន ។
វិធីអនុវត្ត ៖ ឆ្នាំងទី១ (ឬទម្រដាក់អាហារ) ដាក់ផ្កាប់ចុះ (ដូចរូប) រួចយកដុំសាច់មកដាក់ពីលើ ហើយយកឆ្នាំង១ដែលមានដាក់ទឹកក្តៅមកសង្កត់ ។
រង់ចាំពី ៥-១០នាទី (អាស្រ័យលើកម្រាស់សាច់) ។ បន្ទាប់មកអ្នកអាចយកវាទៅធ្វើជាអាហារបានហើយ ។
សាកល្បងមើល មានទៅអស់អីប្រិយមិត្តពិតជាភ្ញាក់ផ្អើល !
ចន្ទ្រា