ប៉ុន្មានថ្ងៃកន្លងទៅថ្មីៗនេះ សាធារណជននៅប្រទេសវៀតណាម កុម្មុយនីស្តដ៏តឹងរ៉ឹង បានស្រឡាំងកាំង គ្រាឃើញរូបភាព “ក្តៅសាច់” របស់អតីតបវរកញ្ញារង Thu dung ថតរូបនៅ Tuyet dinh coc ក្រុងដាឡាត់ ។
មហាជនថា ប្រសិនបើនាងនោះពុំមែនជា បវរកញ្ញារងតំណាងឲ្យប្រទេសក្នុងការប្រលងបវរកញ្ញាទេសចរណ៍ ជីវសាស្ត្រអន្តរជាតិ ២០១៨ នោះមិនធ្វើទេវាជារឿងឯកជន ។
ចំណែកនាយកដ្ឋាន “ជំនាញ” គឺនាយកដ្ឋានវិចិត្រសិល្បៈសម្តែងនិយាយថា នឹងប្តូរយោបល់ជាមួយមន្ទីរវប្បធម៌នៅខេត្តនោះដើម្បី… ក្តាប់សភាពការណ៍ ។
រីឯប្រធានមន្ទីរវប្បធម៌ខេត្តនោះប្រាប់ថា បានស្នើសុំឲ្យប៉ូលិស… “អន្តរាគមន៍” ! ។
ខណៈពេលនោះបវរកញ្ញារងប្រាប់ថា នឹងចែករំលែករូបថត១០០សន្លឹកលើគេហទំព័រឯកជន ។
ឆ្លើយតបនឹងការរិះគន់ ជេរប្រទេច នាងឆ្លើយតបយ៉ាងសុភាពថា៖ “រស់នៅលើឆាកជីវិតនេះ ចូលចិត្តអ្វីគឺធ្វើនោះ ។ ចូររស់នៅឲ្យបានល្អ ចំពោះខ្លួនឯង ព្រោះយុវវ័យមានតែ…ម្តងទេ!” ។
ប្រិយមិត្តវិញយល់យ៉ាងណាដែរ ប្រសិនរឿងដូចគ្នាកើតឡើងនៅប្រទេសកម្ពុជាយើង! ៕ ចន្ទ្រា