​គ្រាន់តែ​ផលិត “​កន្ទប​ឲ្យ​មាន់​” រកបាន​… រាប់​ម៉ឺន​ដុល្លារ​!

​បច្ចុប្បន្ននេះ ពួក​អ្នក​មាន​នៅ​ទីក្រុង​ធំៗ​ប្រទេស​អាមេរិក​ដូចជា NewYork Denver និង Los Angeles ងាក​មក​និយម​ចិញ្ចឹម​មាន់​ធ្វើជា “​មិត្តសម្លាញ់​” ដោយ​ពុំ​សូវ​និយម​ឆ្កែ ឬ​ឆ្មារ​ដូច​មុន​ទៀត​ទេ ។ ដោយ​ចៃដន្យ​ចំណូលចិត្ត​ថ្មី​នេះ របស់​ពួក​អ្នកមាន​បាន​ធ្វើឲ្យ​នាង Julie Baker អាច​រក​ចំណូល​បន្ថែម​បាន ៥០.០០០ ដុល្លារ ក្នុង​១​ឆ្នាំ​យ៉ាង​…​ងាយ ។​

​តាម​នោះ កាលពី​១០​ឆ្នាំមុន​ម្លេះ Julie និង​កូនស្រី បាន​ចិញ្ចឹម​មាន់​មួយ​ហ្វូង នៅ​កសិដ្ឋាន​តូច​មួយ​របស់​ពួកគេ ។ តាមរយៈ​ឃ្លីប​១ លើ YouTube , Julie ក៏​បែកគំនិត​ធ្វើតាម គ្រា​ដែល​កូនស្រី​តូច​របស់​នាង​ចង់​យក​មាន់​ឲ្យមក​នៅក្នុង​ផ្ទះ ។​

Julie Baker

​ធ្វើ​បាន​មួយរយៈ អ្នកដទៃ​ឃើញ​ក៏​ទាក់ទង​សុំ​ទិញ​ពី​គាត់ ។ ពី​១​ថ្ងៃ​ទៅ​មួយថ្ងៃ “​អតិថិជន​” កើនឡើង​រហូត​ដល់​ឆ្នាំ ២០១០ Julie បាន​បង្កើត​ហាង Online មួយ មានឈ្មោះ​ថា Pampered Poultry ។​

Pampered Poultry ។​

​ក្នុង​មួយ​ខែៗ នាង​ផលិត “​កន្ទប​មាន់​” ប្រហែល​ពី ៥០០-១០០០ លក់​ក្នុង​តម្លៃ ១៨ USD/​មួយ​សម្រាប់ ។ ក្រោយមក​ក៏​បែក​គំនិត​ធ្វើ​ផលិតផល​ការពារ​រោម ឬ​កន្ទប​មាន​សណ្ឋាន​ដូចជា​… រ៉ូប​។​

Pampered Poultry ។​

​អ្នកខ្លះ​ពិត​ថា វា​ពុំ​ដែល​មាន​អ្នក​គិតគូរ រឿង​កន្ទប​ឲ្យ​មាន់​ឬ​ថា វា​ជា​របរ​កំប៉ិកកំប៉ុក ។​

​ពិតជា​ខុសស្រឡះ​! ករណី​របស់ Julie ជា​ឧបករណ៍​ស្រាប់ ៕ ចន្ទ្រា​