បុរសចុងភៅម្នាក់ បានលូកដៃចូលក្នុងខ្ទះខ្លាញ់ពុះកញ្ជ្រោល ដើម្បីចៀននំ Tempura មួយហើយ…មួយទៀត តែពុំបានធ្វើឲ្យដៃរបស់គាត់មានបញ្ហាអ្វីទេ ។
គាត់គឺជាមេចុងភៅផង ជាម្ចាស់ហាងនំ Tempura មានយីហោ Tenkin នៅ Hamamatsu ខេត្ត Shizuoka ផង ។ គាត់ត្រូវបានគេចាត់ទុកជា “កំពូលមនុស្ស” ព្រោះតែងប្រើដៃដើម្បីជ្រលក់នំចូលក្នុងខ្ទះខ្លាញ់ដ៏ក្តៅ -នេះបើតាម Next Shark ផ្សាយថ្ងៃទី ២១ ខែសីហា ។
មេចុងភៅជប៉ុនធ្វើនំ Tempura ដោយយកដៃកាន់នំជ្រលក់ចូលក្នុងខ្ទះខ្លាញ់កំពុងពុះ ។
ខ្សែវីដេអូត្រូវបាន nickname Yuku 1991 បង្ហោះលើ Twitter នៅថ្ងៃទី ១៥ ខែសីហា បង្ហាញឲ្យឃើញចុងភៅរូបនេះ បានប្រើដៃផ្ទាល់ដោយគ្មានប្រដាប់ការពារជ្រលក់ចូលក្នុងខ្ទះខ្លាញ់ ពេលធ្វើនំ ។
ចម្ងល់របស់អ្នកទស្សនាត្រូវបាន SoraNews បកស្រាយថា គាត់អាចធ្វើបែបនេះបាន ព្រោះតែដៃរបស់គាត់លែងមាន “អារម្មណ៍” ហើយ ។
ចំណែក nickname Taiyakiudon វិញ បកស្រាយថា មូលហេតុដែលដៃរបស់គាត់ពុំក្តៅរលាក ដោយសារប្រតិកម្ម Leidenfrost (ឈ្មោះវេជ្ជបណ្ឌិត និងវេទមន្តវិទូសតវត្សរ៍ទី ១៨ Johann Gottlob Leidenfrost -ពេលសារធាតុរាវ ប្រាស្រ័យនឹងផ្ទៃដែលមានសីតុណ្ហភាពខ្ពស់ជាងខ្លាំងលើសកំដៅពុះរបស់វា ។ ពេលនោះសារធាតុរាវ១ផ្នែក នឹងក្លាយទៅជាចំហាយបង្កើតទៅជារបាំងកំដៅ ដើម្បីកុំឲ្យវាពុះលឿនពេក ។ មានន័យថា ម្សៅ Tempura ជាប់លើបាតដៃ ម្រាមដៃ របស់មេចុងភៅនេះ គឺជាស្រទាប់ -របាំងការពារកុំឲ្យគាត់រងការរលាកពេលលូកចូលក្នុងខ្លាញ់កំពុងពុះ ៕ ចន្ទ្រា
ចុះប្រិយមិត្តយល់យ៉ាងណាដែរ!?