ខេត្តព្រះសីហនុ៖ ជនជាតិចិនម្នាក់ បើករថយន្តគ្មានប័ណ្ណបើកបរ បានបង្កគ្រោះថ្នាក់ចរាចរ ត្រូវបានបញ្ជូនទៅកាន់សាលាដំបូងខេត្តព្រះសីហនុ ដើម្បីចាត់ការតាមផ្លូវច្បាប់ នៅរសៀល ថ្ងៃទី២៣ ខែសីហា ឆ្នាំ២០១៨ ។
សមត្ថកិច្ចនគរបាលចរាចរណ៍ផ្លូវគោកខេត្តព្រះសីហនុ បានឲ្យដឹងថា ករណីគ្រោះថ្នាក់នេះកើតឡើង នៅថ្ងៃទី២១ ខែសីហា ឆ្នាំ២០១៨ លើផ្លូវបេតុង ក្នុងតំបន់សេដ្ឋកិច្ចពិសេសបិតត្រាំង ស្រុកព្រៃនប់ ខេត្តព្រះសីហនុ រវាង រថយន្ត និង ម៉ូតូ បណ្ដាលឲ្យអ្នកបើកម៉ូតូ១នាក់រងរបួស។ ជនជាតិចិនឈ្មោះ ឈ្មោះ ហ្វុង ជីហ្វ៊ូ ភេទ ប្រុស អាយុ ៣៣ឆ្នាំ មុខរបរ ធ្វើសំណង់ មកស្នាក់នៅក្នុងតំបន់សេដ្ឋកិច្ចពិសេសបិតត្រាំងរយៈពេល៤ខែ បើករថយន្តម៉ាក FORD RANGER ពណ៌ទឹកប្រាក់ ពាក់ផ្លាកលេខភ្នំពេញ2U-8184៕ ដោយ៖បញ្ញាស័ក្តិ
