Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ស្ត្រី​ម្នាក់​ត្រូវបាន​ឃាតករ សម្លាប់​ក្នុង​បូរី​សន្តិភាព​២ , នាង​ទើប​ខ្ចីលុយ​គេ ១​ម៉ឺន​ដុល្លារ​

spot_img

​ភ្នំពេញ ៖ ប្រទះឃើញ​សាកសព​ស្ត្រី​ម្នាក់​នៅ​ក្បែរ​បន្ទប់ទឹក ក្នុងផ្ទះ បូរី​សន្តិភាព​២ សង្កាត់​ពងទឹក ខណ្ឌដង្កោ រាជធានី​ភ្នំពេញ​នៅ​រសៀល​ថ្ងៃ​ទី ២៣ ខែ វិច្ចិកា ឆ្នាំ ២០១៧​។ សព​ស្ត្រី​ដែល​ប្រទះឃើញ​ស្លាប់​មានឈ្មោះ ឡេង មុំ ភេទ​ស្រី អាយុ​៤៨​ឆ្នាំ មុខរបរ​មេផ្ទះ ស្នាក់​នៅ​កន្លែងកើតហេតុ ដោយ​មាន​ឈ្មោះ ហៀក ស៊ុក អាយុ​៣៤ ឆ្នាំ បើកបរ​រថយន្ត​ដឹក​ដី មានកូន​ចំនួន​២​នាក់ ប្រុស​ម្នាក់ ស្រី​ម្នាក់​នៅ​ក្នុង​បន្ទុកគ្រួសារ ។​

​តាម​ប្រភព​នៅ​កន្លែង​បានឲ្យដឹងថា មុន​កើតហេតុ បន្ទាប់​ពី​កូនៗ របស់​ជនរងគ្រោះ​វិល​ពី​សាលារៀន​វិញ មកដល់​ផ្ទះ រុញ​ទ្វារ​ចូល ស្រាប់តែ​ប្រទះឃើញ​ម្តាយ ដេក​ស្តូក ស្រែកយំ​ហៅ​អ្នកជិតខាង​មក​មើល ទើប​ដឹងថា ដេកស្លាប់ ហើយ​របស់របរ មួយចំនួន​រាយប៉ាយ​ពេញ​ផ្ទះ រួច​ទើប​ទូរស័ព្ទ​ប្រាប់​ប្តី​របស់​ស្ត្រី​រងគ្រោះ​ដែល​កំពុង​ចេញទៅ​បើកបរ​រថយន្ត​ដឹក​ដី​បាត់ ។​

​តែ​បើ​តាម​អ្នកជិតខាង បានឲ្យដឹងថា គ្រួសារ​ខាងលើ កាលពី​ព្រឹក​ថ្ងៃទី​២៣​នេះ ប្តី​របស់​ជនរងគ្រោះ បើក​រថយន្ត​ដឹក​ដី​ចេញ​ទៅ​បាត់ កូនៗ​២​នាក់ ក៏​ចេញទៅ​សាលារៀន​ដែរ សល់​តែ​ស្ត្រី​រងគ្រោះ​នៅ​ផ្ទះ​ម្នាក់ឯង ហើយ​គេ​ឃើញ​បុរស​ម្នាក់ ចូល​ទៅ​ជជែក​លេង ជាមួយ​ស្ត្រី​រងគ្រោះ តែ​មិន​បានដឹងថា ជា​អ្នក​ណា ឬ​សាច់ញាតិ ហើយ​ក៏​ចេញទៅ​បាត់ រហូតដល់ កូនៗ​របស់​ជនរងគ្រោះ មក​ពី​សាលារៀន​វិញ ទើប​ប្រទះឃើញ​ម្តាយ​ដេកស្លាប់ បង្ក​ឲ្យ​ឆោឡោ​តែម្តង និង​រាយការណ៍​ប្រាប់​សមត្ថកិច្ច​ចុះ​មក​ពិនិត្យមើល ។​

​តាម​បុរស​ជា​ប្តី បានឲ្យដឹងថា ប្រពន្ធ​ខ្លួន​ទើប​ខ្ចីលុយ​គេ​១​មុឺន​ដុល្លារ កាលពី​៣​ថ្ងៃមុន ដើម្បី​យក​មក​ធ្វើ​ដើម​រកស៊ី ហើយ​ទើបតែ​ចំណាយ​អស់​១​ពាន់​ដុល្លារ​នោះទេ​។ នៅ​កន្លែងកើតហេតុ មតិ​លើកឡើង​ផ្សេងៗ​គ្នា អ្នកខ្លះ​សន្និដ្ឋានថា​ជា​ករណី​ប្លន់​សម្លាប់​យក​លុយ​៩​ពាន់​ដុល្លា ព្រោះ​នៅ​ខ្លួន​ជនរងគ្រោះ​មាន​ស្លាកស្នាម និង​របស់របរ​ក្នុងផ្ទះ​រប៉ាត់រប៉ាយ ខុស​ប្រក្រតី តែ​មតិ​ខ្លះ​ថា​ស្លាប់​ដោយសារ​ជម្ងឺ​ខ្យល់គ​។ ទោះជា​យ៉ាងណាក្តី ករណី​ខាងលើ សមត្ថកិច្ច​ជា​ករណី​ប្លន់​សម្លាប់ ព្រោះ​កាបូប​នឹង​សម្ភារៈ​របស់​ស្ត្រី​បាន​បាត់បង់ ៕ ដោយ​៖​កូឡាប​

spot_img
×