ស្ត្រីម្នាក់បានទិញឡានទំនើបម៉ាក BMW មួយគ្រៀង ហើយសាកល្បងបើកលេង មានអី ស្ត្រីរូបនោះ បើកបុកទម្លុះកន្លែងលក់ឡានខ្ទីខ្ទី។ ហេតុការណ៍នេះ កើតឡើងនៅក្នុងទីក្រុង Guangzhou ខេត្ត Guangdon ប្រទេសចិន។
បើតាមកាមេរ៉ាសុវត្ថិភាព បានបង្ហាញថា ស្ត្រីរូបនោះបានបើកឡានបុកទ្វារកញ្ចក់កន្លែងលក់ឡាន រួចបន្តមកបុកកន្លែងគិតលុយ រហូតដល់បុកជញ្ជាំងទើបរថយន្តឈប់។
គេមិនទាន់ដឹងច្បាស់ទេថា តើការធ្វេសប្រហែងរបស់គាត់ បណ្តាលឲ្យមានការខូចខាតអស់តម្លៃប៉ុន្មានទេដល់កន្លែងកើតហេតុណ៍ ដោយគេគ្រាន់តែដឹងថា ឡានម៉ាក BMW X1 ដែលនាងទិញនោះមានតម្លៃចន្លោះ ៤១.០០០ ទៅ ៦២.០០០ដុល្លាអាមេរិច នៅក្នុងប្រទេសចិន។
ក្រោយពេលកើតហេតុណ៍ ស្ត្រីរូបនោះបានទទួលស្គាល់ថា គាត់បានជាន់ហ្គ័រដោយចៃដន្យ ជំនួសឲ្យជាន់ប្រាំង។ ទោះយ៉ាងណា វាជាការសំណាងដែរដោយមិនមាននរណាម្នាក់មានរបួសឡើយ៕ សុភ័ក្ត្រ
ប្រភព៖ Nextshark