ថ្មីៗនេះ វីដេអូមួយ បានធ្វើឲ្យមានការភ្ញាក់ផ្អើលយ៉ាងខ្លាំង នៅលើបណ្តាញសង្គម ខណៈម្នាក់ៗឡើងព្រឺសម្បុរខ្ញាកតែម្តង នៅពេលដែលបានឃើញឃ្លីបនេះបង្ហាញស្រមោលមនុស្សស្រីម្នាក់ កំពុងស្ថិតនៅកណ្តាលផ្លូវ ពីចម្ងាយស្ទង់ៗ លើផ្លូវល្បឿនលឿន ប្រៀបដូចជាខ្មោចកំពុងលងអ្នកដំណើរពេលយប់។
ស្តែងៗណាស់ តាមរយៈវីដេអូ គេបានលឺបុរសម្ចាស់រថយន្តលាន់មាត់ស្ទើរលោះព្រលឹង ព្រោះគិតស្មានថាជាខ្មោចលង ខណៈគាត់បានបង្អង់រថយន្តឈប់ នៅពេលមនុស្សស្រីនោះ បានចូលមកស្ទាក់ពីមុខ ហើយចាប់ផ្តើមស្រែកបន្លាច ដែលលេងចឹងៗអី អ្នកណាមិនបាស់រោមទៅ!។
តែយ៉ាងណាមិញ ក្រោយវីដេអូដ៏ញាក់សាច់នេះ ត្រូវបានចែករំលែក ហើយក៏ទទួលបានពីព័ត៌មាននេះ សមត្ថកិច្ចបញ្ជាក់ឲ្យដឹងថា ករណីមនុស្សស្រីម្នាក់ ដែលឡើងដើរលើផ្លូវល្បឿនលឿន កាលពីយប់ថ្ងៃទី១៦ ខែធ្នូ ឆ្នាំ២០២៤ គឺជាមនុស្សស្រីមានសតិមិនគ្រប់។
បន្ទាប់មក កម្លាំងនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ប្រចាំការនៅផ្លូវល្បឿនលឿន ក៏បានសហការជាមួយសមត្ថកិច្ចមូលដ្ឋាន និងបុគ្គលិកក្រុមហ៊ុន នាំយកស្រ្តីសតិមិនគ្រប់រូបនេះ ចេញពីផ្លូវរួចរាល់ផងដែរ៕
