អតីតតារាបង្ហាញម៉ូតម្នាក់ បានបង្ខំចិត្តត្រូវវះកាត់កែសម្ផស្ស ក្រោយពេលត្រូវសុនកមួយក្បាលត្របាក់មុខពេលនាងលូកដៃអង្អែលវាលេង ។
តាម Daily Mail ប៉ូលិសទើបប្រកាសផ្សាយខ្សែវីដេអូឃ្លាំមើលមួយអំពីការវាយប្រហាររបស់សុនកចិញ្ចឹមកាលពីថ្ងៃទី ៧ ខែសីហា នាជាយក្រុង Denver (អាមេរិក) បំណងឲ្យម្ចាស់នៃសុនក “ដៃដល់” មកបង្ហាញមុខ ។
ហេតុការណ៍នេះកើតឡើងនៅអាហ្សង់ទីន ។ សុនកនេះមានមាឌធំ សម្បុរខ្មៅលាយស ត្រូវបានមនុស្សមួយចំនួនអង្អែលស្រាប់តែវាងាកមកត្របាក់មុខតែម្តង ។
ម្ចាស់របស់សុនកនេះបានស្ទុះទៅកាន់ជនរងគ្រោះ ដើម្បីពិនិត្យ ហើយក្នុងពេលគេរវល់មើលថែជនរងគ្រោះស្រាប់តែម្ចាស់របស់វាប្រមូលរបស់របរ នាំឆ្កែចេញទៅបាត់ស្រមោល ។
ប៉ូលិសប្រាប់ថា ស្ត្រីរូបនេះត្រូវឆ្កែត្របាក់មុខ ហើយចូលមន្ទីរពេទ្យដើម្បីព្យាបាល ពិសេសភ្នែករបស់នាង ។ ប៉ុន្តែសំណាងល្អដែលគ្រូពេទ្យថា ភ្នែករបស់នាងអាចសះស្បើយដូចដើមបាន ប៉ុន្តែនាងត្រូវវះកាត់សម្ផស្សឡើងវិញ ៕ លីសា
