កម្លាំងសមត្ថកិច្ចឃាត់ខ្លួនជនសង្ស័យ២នាក់ ពាក់ព័ន្ធករណីឆក់យកទូរសព្ទ័ដៃ ចំនួន០៤ករណី

ភ្នំពេញ ៖ នៅថ្ងៃទី២២ ខែធ្នូ ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌ៧មករា បានស្រាវជ្រាវឃាត់ខ្លួនជនសង្ស័យចំនួន០២នាក់ នៅចំណុចបន្ទប់ជួល សង្កាត់ផ្សារដើមគ ខណ្ឌទួលគោក រាជធានីភ្នំពេញ ចំនួន០៤ករណី៖

ករណីទី១៖ ឆក់យកទូរស័ព្ទដៃ ប្រព្រឹត្តនៅចំណុចផ្សារជីបម៉ុង ផ្លូវលេខ១៦៩ សង្កាត់អូរឬស្សី២ ខណ្ឌ៧មករា កាលពីថ្ងៃទី២១ ខែធ្នូ ឆ្នាំ២០២៤។
ករណីទី២៖ ឆក់យកទូរសព្ទ័ដៃ ប្រព្រឹត្តនៅចំណុចមុខផ្ទះលេខ២AE0 ផ្លូវព្រះមុន្នីវង្ស សង្កាត់បឹងព្រលឹត ខណ្ឌ៧មករា កាលពីថ្ងៃទី២៦ ខែតុលា ឆ្នាំ២០២៤។

ករណីទី៣៖ ឆក់យកទូរសព្ទ័ដៃ ប្រព្រឹត្តនៅចំណុចមុខផ្ទះលេខ៤៨ ផ្លូវលេខ១៦១ សង្កាត់បឹងព្រលឹត ខណ្ឌ៧មករា កាលពីថ្ងៃទី១២ ខែធ្នូ ឆ្នាំ២០២៤។
ករណីទី៤៖ ឆក់យកទូរសព្ទ័ដៃ ប្រព្រឹត្តនៅចំណុចមុខផ្ទះលេខ៣៩ ផ្លូវលេខ២៣២ សង្កាត់វាលវង់ ខណ្ឌ៧មករា រាជធានីភ្នំពេញ កាលពីថ្ងៃទី០៤ ខែតុលា ឆ្នាំ២០២៤។

ឃាត់ខ្លួនជនសង្ស័យចំនួន០២នាក់៖១-ឈ្មោះ ភន់ ហ៊ារ៉ា ហៅ រ៉ា ភេទ ប្រុស ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះជួល សង្កាត់ផ្សារដើមគ ខណ្ឌទួលគោក។២-ឈ្មោះ ឈិន មាន ហៅ មាន ភេទ ប្រុស ជនជាតិ ខ្មែរ មុខរបស អូសបន្លែផ្សារដើមគ ស្នាក់នៅផ្ទះជួល សង្កាត់ផ្សារដើមគ ខណ្ឌទួលគោក។

វត្ថុតាងចាប់យក៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២៤ ពាក់ផ្លាកលេខភ្នំពេញ១KT-៥២៥០។
បច្ចុប្បន្នជនសង្ស័យ និងវត្ថុតាងខាងលើ កម្លាំងការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីវិតិធី៕ រក្សាសិទ្ធដោយ៖សុទ្ធលី