ភ្នំពេញ ៖ យវជន២នាក់ជាកម្មករបោចទារត្រូវបានរថយន្តដឹកកម្មករបើកបុកនិងកិនស្លាប់ភ្លាមៗនៅកន្លែងកើតហេតុ ខណះដែលពួកគេកំពុងជិះតែម៉ូតូឌុបគ្នាចេញពីធ្វើការ កាលពីល្ងាចថ្ងៃទី២៣ខែវិច្ឆិកា ឆ្នាំ២០១៧ នៅក្នុងភូមិសំរោង សង្កាត់ឃ្មួញ ខណ្ឌសែនសុខ តែរថយន្តបង្ករបើករត់គេចបាត់។
អ្នកភូមិឱ្យដឹងថា៖ ជនរងគ្រោះទាំង២នាក់ត្រូវបានគេស្គាល់អត្តសញ្ញាណ ទី១.ឈ្មោះ ឆាន ហន អាយុ១៨ឆ្នាំ មុខរបរ កម្មករបោចទា ស្នាក់នៅផ្ទះថៅកែ សង្កាត់ទឹកល្អក់១ ខណ្ឌតួលគោក ស្រុកកំណើតភូមិទួលក្តី ឃុំត្រើយស្លា ស្រុកស្អាងខេត្តកណ្តាល ។ទី២ ឈ្មោះ យ៉ុម យ៉េក អាយុ១៨ឆ្នាំ មុខរបរ និងស្នាក់នៅជាមួយគ្នានៅផ្ទះថៅកែ និង មានស្រុកកំណើតភូមិតាលន់ ឃុំ តាលន់ ស្រុកស្អាង ខេត្តកណ្តាល ។
អ្នកភូមិនៅកន្លែងកើតហេតុបានឱ្យដឹងថា៖មុនពេលមានគ្រោះថ្នាក់កើតឡើងគេឃើញម៉ូតូមួយគ្រឿងម៉ាក ហុងដា គុបជ្រុង សេ៩០ ពណ៌ទឹកប៊ិច ស៊េរីចាស់ ពាក់ស្លាកលេខ ផ 3572 ភព1 ដែលជាម៉ូតូរបស់ជនរង
គ្រោះបានជិះធ្វើការរាល់ថ្ងៃនិងនៅក្នុងពេលកើតហេតុផងដែរ។
ប្រជាពលរដ្ឋដែលឃើញហេតុការណ៍ ផ្ទាល់ភ្នែកបានឲ្យដឹងថា ក្នុងពេលដែលមេឃកំពុងធ្លាក់ភ្លៀងខ្លាំង ជនរងគ្រោះជិះម៉ូតូឌុបគ្នាចេញពីកន្លែងធ្វើការ។ ខណះដែលពួកគេកំពុងតែធ្វើដំណើរ ទិសដៅពីលិចទៅកើត ពេលមកដល់ចំណុចកើតហេតុ ក៏មានរថយន្តមួយគ្រឿងដឹកកម្មករពេញ ជាប្រភេទរថយន្តកូរ៉េមិនស្គាល់លេខ បើកច្រាសទិសគ្នាបានបុកម៉ូតូជនរងគ្រោះពេញទំហឹងនិងកិនពីលើទៀតផងបណ្តាលឲ្យស្លាប់ទាំង២នាក់ភ្លាមៗរថយន្តបង្ករក៏បានបើកគេចបាត់តែម្តង៕ ដោយ៖កូឡាប
