កំពង់ស្ពឺ៖ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ដោយទទួលបានព័ត៌មានថាក្រុមក្មេងទំនើង២ក្រុម បានបើកឆាកបង្កហិង្សាប្រយុទ្ធគ្នាកាលពីថ្ងៃទី៣១.ធ្នូ.២០២៤ វេលាម៉ោង ២២និង៤៥នាទី នៅចំណុចផ្លូវចូលភូមិអូរលើ ឃុំព្នាយ ស្រុកសំរោងទង ខេត្តកំង់ស្ពឺ ដោយអនុវត្ដតាមបទបញ្ជាលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងការិយាល័យជំនាញសហការជាមួយកំលាំងនគរបាលអធិការដ្ឋាននគរបាលស្រុកសំរោងទង ធ្វើការស្រាវជ្រាវរហូតកំណត់មុខសញ្ញាបាននិងឃាត់ខ្លួនក្រុមក្មេងទំនើងបានសរុប ០៩នាក់៖
-ក្រុមទី១ (អ្នកបង្កហេតុមុន) មានគ្នាប្រមាណ ៨នាក់ គេចខ្លួន ២នាក់៖ ១.ឈ្មោះ ឆាយ ណេត ភេទប្រុស ១៩ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ -របួសថ្ងាសខាងស្តាំ ក្បាល និងខ្នង (ឃាត់ខ្លួន) ។ ២.ឈ្មោះ ហូរ ហាក់ ហៅទាញ ភេទប្រុស អាយុ១៩ ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ (ឃាត់ខ្លួន)។ ៣.ឈ្មោះ ជី វួចលាង ហៅ តឿ ភេទប្រុស អាយុ ១៧ឆ្នាំ ភូមិដន្លង ឃុំក្រាំងចេក ស្រុកសាមគ្គីមុន្នីជ័យ -រងរបួសខ្នងក្រោយ (ឃាត់ខ្លួន)។ ៤.ឈ្មោះ ផាត រតនៈ ហៅឈីត ភេទប្រុស អាយុ ៣០ឆ្នាំ ភូមិស្តៅឯម ស្រុកសាមគ្គីមុនី្នជ័យ (ឃាត់ខ្លួន)
។ ៥.ឈ្មោះ ធឿន រដ្ឋា ហៅ ជ្រូក ភេទប្រុស អាយុ ១៤ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ(ឃាត់ខ្លួន)។ ៦.ឈ្មោះ ណ វិ ស ភេទប្រុស អាយុ ២២ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ។ ៧.ឈ្មោះ ឃ ក.រ ហៅកាញ់ ភេទប្រុស អាយុ ២២ឆ្នាំ (គេចខ្លួន)។ ៨.ឈ្មោះ ផ ចិ ត ហៅប៉យ ភេទប្រុស អាយុ១៥ ឆ្នាំ(គេចខ្លួន)។
-ក្រុមទី២ មានគ្នា ៤នាក់៖ ១.ឈ្មោះ សុខ ដួង ភេទប្រុស អាយុ២២ឆ្នាំ នៅភូមិអំពិលផ្អែម ឃុំក្រាំងចេក ស្រុកសាមគ្គីមុន្នីជ័យ -រងរបួសចង្កេះ (ឃាត់ខ្លួន)។ ២.ឈ្មោះ គ្រន វីរៈ ភេទប្រុស អាយុ ២៨ ឆ្នាំ នៅភូមិក្រាំងតារ័ត្ន ឃុំព្នាយ ស្រុកសំរោងទង-រងរបួសចង្ការ នឹងកញ្ចឹងក (ឃាត់ខ្លួន)
។ ៣.ឈ្មោះ អឿង សុគន្ធសម្បត្តិនីសា ភេទប្រុស អាយុ ២០ឆ្នាំ ភូមិ អំពិលផ្អែម ឃុំក្រាំងចេក ស្រុកសាមគ្គីមុន្នីជ័យ -រងរបួសដៃ នឹងជើង (ឃាត់ខ្លួន) ។ ៤.ឈ្មោះ គ្រន សារឿន ភេទប្រុស អាយុ ៣៤ឆ្នាំ ភូមិអូរលើ ឃុំព្នាយ ស្រុកសំរោងទង រងរបួសដៃ ខ្នង នឹង គុម្ពត្រជៀកខាងឆ្វេង សម្រាកព្យាបាលនៅមន្ទីពេទ្យ KS កំពង់ស្ពឺ (បន្ដនីតិវិធី)។
យោងតាមចម្លើយឈ្មោះ ហូរ ហាក់ (ឃាត់ខ្លូន) មុនពេលកើតហេតុក្រុមរបស់ខ្លួនបានជិះម៉ូតូមកផឹកស៊ីនៅផ្ទះមួយ ក៏ឃើញក្រុមទី២ ជិះពីមុខ ហើយយកជើងអូសដី បន្ទាប់មកបានដេញគប់ក្រុមទី២ ដល់ផ្ទះចិន ក្រុមទីពីរបានដេញគប់វិញរហូតដល់ផ្ទះអុំង៉ែត រួចបើកឆាកប្រយុទ្ធគ្នាទៅវិញទៅមកតែម្ដង។
សមត្ថកិច្ចបានធ្វើការ ដកហូតវត្ថុតាង ម៉ូតូ៣ គ្រឿង និងដុំថ្ម៧ដុំ ។
បច្ចុប្បន្នមុខសញ្ញាក្មេងទំនើងទាំង៩ និងកំពុងតែព្យាបាល១នាក់ត្រូវបានកំលាំងជំនាញកសាងសំណុំរឿង ចំណាត់ការនីតិវិធីបន្ដនិងបន្ដស្រាវជ្រាវឃាត់មុខសញ្ញាគេចខ្លួនបន្ដ៕ រក្សាសិទ្ធដោយ៖សុទ្ធលី
