ប្រសិនជាអ្នកអាចមានបំណងប្រាថ្នាមួយ ហើយវានឹងកើតឡើងពិតប្រាកដ តើអ្នកចង់ឲ្យបំណងប្រាថ្នានោះទៅជាអ្វី? មនុស្សម្នាក់ៗប្រាកដជាមានបំណងប្រាថ្នា និងការជ្រើសរើសផ្សេងៗគ្នា។
ប៉ុន្តែតើអ្នកធ្លាប់គិតថា អ្នកចង់ឲ្យខ្លួនអ្នកអាចបំបាំងកាយបានដែរឬទេ? ខាងក្រោមនេះជាការពិសោធន៍សង្គមមួយ ដែលមានការរៀបចំឡើងទុកជាមុន និងមានការដាក់មូរគ្នាបានយ៉ាងល្អ ហើយវាបានធ្វើឲ្យបុរស ២នាក់ជឿជាក់ថា ពួកគេពិតជាអាចបំបាំងកាយបានមួយភ្លេតមែន។
វាគ្រាន់តែជាការសម្តែង ដែលមានការរៀបចំទុកជាមុនពីមនុស្សមួយក្រុម តែមិននឹកស្មានថា អាចទាក់ទាញបុរស ២នាក់ឲ្យជឿថាពួកគេពិតជាអាចបំបាំងកាយបានមែនទែន។
បើតាមវីដេអូ បុរសទី ១ បានបង្ហាញសេចក្តីរីករាយ នៅពេលជឿជាក់ថា គាត់អាចបំបាំងកាយបាន ហើយគាត់ដើរកូរគេពេញកន្លែង ចំនែកបុរសម្នាក់ទៀត ហាក់មិនសប្បាយចិត្តសោះ ដោយសារតែគាត់ មិនអាចទំនាក់ទំនងជាមួយនឹងអ្នកដទៃបាន ហើយគ្មាននរណាម្នាក់មើលឃើញគាត់សោះ។
បុរសទាំង ២នាក់ ដែលមានត្រចៀកសនោះ មិនដឹងខ្មាស់អៀនយ៉ាងណានោះទេ នៅពេលដឹងថា វាជាការៀបចំទុកមុន។ ដោយ ៖ សុភ័ក្ត្រ
ចង់ដឹងការសម្តែងនេះនេះគួរឲ្យអស់សំណើចយ៉ាងណា សូមទស្សនាវីដេអូខាងក្រោមនេះទាំងអស់គ្នា ៖
ប្រភព៖ Trends Zilla